വനിതാ പൈലറ്റിനെ ഒപ്പം ജോലിക്ക് വിടാത്തതില്‍ പ്രതിഷേധിച്ച് പൈലറ്റ് വിമാനം പറത്തിയില്ല. ചെന്നൈയില്‍ നിന്ന് തിരുവനന്തപുരം വഴി മാലെ ദ്വീപിലേക്ക് പോകേണ്ട വിമാനത്തിലായിരുന്നു നാടകീയ സംഭവങ്ങള്‍. പൈലറ്റിന്റെ വാശിയെ തുടര്‍ന്ന് 110 യാത്രക്കാരുമായി പുറപ്പെടേണ്ട വിമാനം രണ്ടര മണിക്കൂറോളമാണ് വൈകിയത്.
ബുധനാഴ്ചത്തെ ജോലിയുടെ സമയക്രമം ചൊവ്വാഴ്ച്ച നല്‍കിയപ്പോള്‍ തന്നെ സഹപൈലറ്റായി ഒരു വനിതയെ തന്നെ നല്‍കണമെന്ന് ജീവനക്കാരോട് ഇയാള്‍ ആവശ്യപ്പെട്ടിരുന്നു. എന്നാല്‍ ഡല്‍ഹി വിമാനത്തില്‍ പൈലറ്റ് നിര്‍ദേശിച്ച വനിത പൈലറ്റിനെ ജേലിക്ക് നിയോഗിക്കാനാവില്ലെന്ന് അധികൃതര്‍ അന്നുതന്നെ അറിയിച്ചു. എന്നാല്‍ വനിത പൈലറ്റ് ഇല്ലാതെ ജോലിക്ക് പോകാന്‍ തയ്യാറലെല്ലന്നും അസുഖമാണെന്നും ഇയാള്‍ റിപ്പോര്‍ട്ട് നല്‍കി.
രാവിലെ ഏഴു മണിക്കായിരുന്നു വിമാനം പുറപ്പെടേണ്ടിയിരുന്നത്. ഇതിന് മുമ്പായി പൈലറ്റ് എത്തി ജോലിയില്‍ പ്രവേശിച്ചു. എന്നാല്‍ വനിതാ പൈലറ്റില്ലാതെ വിമാനം പറത്തില്ലെന്ന് ഇയാള്‍ വാശി പിടിക്കുകയായിരുന്നു. ഒടുവില്‍ മറ്റൊരു പൈലറ്റിനെ വെച്ച് വിമാനം തിരുവനന്തപുരത്തേക്ക് യായ്ര തിരിച്ചു.
ജോലിയില്‍ നിന്ന് രാജിവയ്ക്കുന്നതായി കത്ത് നല്‍കിയിരിക്കുകയായിരുന്നു വിവാദത്തിലായ പൈലറ്റ്. രാജിക്കത്ത് നല്‍കിയതിന് ശേഷമുള്ള ആറുമാസത്തെ നോട്ടീസ് പീരിയഡിലാണ് ഇയാള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha