പഞ്ചാബ് സര്വകലാശാലേക്ക് മടക്കം: മന്മോഹന് സിംഗ് ഇനി അദ്ധ്യാപനജീവിതത്തിലേക്ക് തിരികെ
പഞ്ചാബ് സര്വകലാശാലയിലെ തന്റെ വിദ്യാര്ത്ഥി സമൂഹത്തിലേക്ക് മടങ്ങിവരാന് മുന് പ്രധാനമന്ത്രി മന്മോഹന് സിംഗ് ഒരുങ്ങുന്നു. അദ്ധ്യാപനജീവിതത്തില് 50 വര്ഷത്തെ ഇടവേളയ്ക്ക് ശേഷം സര്വകലാശാലയിലെ ജവഹര്ലാല് ചെയറിലേക്കുള്ള ക്ഷണം അദ്ദേഹം സ്വീകരിച്ചതായിട്ടാണ് റിപ്പോര്ട്ട്.
വിദ്യാര്ത്ഥി സമൂഹത്തിനിടയിലേക്ക് മടങ്ങി വരുന്നത് അദ്ദേഹത്തിനും ഏറെ താല്പ്പര്യമുള്ള വിഷയമാണെന്ന് പഞ്ചാബ് സര്വകലാശാല വൈസ് ചാന്സലര് അരുണ്കുമാര് ഗ്രോവര് പറയുന്നു. ചണ്ഡീഗഡില് എത്തൂമ്പോഴും അല്ലാത്തപ്പോള് വീഡിയോ കോണ്ഫറന്സ് വഴിയുമായിരിക്കും അദ്ദേഹത്തിന്റെ ലക്ചറുകളെന്നും ഗ്രോവര് വ്യക്തമാക്കി. 1954 ല് പി യു വില് നിന്നും സാമ്പത്തികശാസ്ത്രത്തില് ബിരുദാനന്ത ബിരുദം നേടിയ മന്മോഹന്സിംഗ് സാമ്പത്തിക ശാസ്ത്രത്തില് സീനിയര് ലക്ചററായി 1957 ലായിരുന്നു നിയമിതനായത്.
ന്യൂയോര്ക്കിലെ യുഎന് സെക്രട്ടറിയേറ്റില് ഇക്കണോമിക് അഫയര് ഓഫീസറായി നിയോഗിതനായതോടെ 1966 ല് ജോലി വിടുകയും ചെയ്തു. മാസങ്ങള്ക്ക് മുമ്പ് ചണ്ഡീഗഡിലെ ഒരു പരിപാടിയില് വെച്ച് മന്മോഹന് സിംഗുമായി മുന് വിസി ആര്പി ബംബയാണ് ഈ ആശയം മുന്നോട്ട് വെച്ചത്. 2009 ല് പഞ്ചാബ് സര്വകലാശാല മന്മോഹന് സിംഗിന്റെ പേരില് ചെയര് തുടങ്ങിയിരുന്നു. ഇതിലേക്ക് ഇനി നിയോഗിതനാകാന് പോകുന്നത് പ്രൊഫസര് യോഗീന്ദര് കെ അലാഗ് ആണ്. 2015 ല് അജിത് സിംഗ് മരിച്ചു പോയതിനെ തുടര്ന്ന് ഈ ചെയര് ഒഴിഞ്ഞു കിടക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
