പട്യാല ഹൗസ് കോടതിക്കു മുന്നില് എ.എ.പി ബി.ജെ.പി പ്രവര്ത്തകരുടെ സംഘര്ഷം
ഡല്ഹി പട്യാല ഹൗസ് കോടതിക്കു മുന്നില് എ.എ.പി ബി.ജെ.പി പ്രവര്ത്തകരുടെ സംഘര്ഷം. കേന്ദ്രമന്ത്രി അരുണ് ജെയ്റ്റ്ലി നല്കിയ മാനനഷ്ടക്കേസില് മുഖ്യമന്ത്രി അരവിന്ദ് കെജ്രിവാള് ഹാജരാകാന് എത്തിയപ്പോഴായിരുന്നു പ്രവര്ത്തകര് ഏറ്റുമുട്ടിയത്. ജെയ്റ്റ്ലിയും കോടതിയില് ഹാജരായിട്ടുണ്ട്. സംഘര്ഷമുണ്ടാക്കിയവരെ പോലീസ് അറസ്റ്റു ചെയ്തുനീക്കി.
ഡല്ഹി ക്രിക്കറ്റ് അസോസിയേഷനുമായി ബന്ധപ്പെട്ട അഴിമതി ആരോപണത്തെ തുടര്ന്ന് കെജ്രിവാളിനും മറ്റ് അഞ്ച് ആം ആദ്മി പാര്ട്ടി നേതാക്കള്ക്കുമെതിരെ ജെയ്റ്റ്ലി 10 കോടി രൂപ മാനനഷ്ടം ആവശ്യപ്പെട്ട് കേസ് കൊടുത്തത്. അഷുതോഷ്, കുമാര് ബിശ്വാസ്, സഞ്ജയ് സിംഗ്, രാഘവ ചന്ദ, ദീപക് ബാജ്പേയ് എന്നിവര്ക്കെതിരെയുമാണ് കേസ്. 2013 വരെ 13 വര്ഷത്തോളം ഡിഡിസിഎയുടെ അധ്യക്ഷനായിരുന്നു ജെയ്റ്റ്ലി.
ഇരുവിഭാഗം നേതാക്കളും നേരത്തെ മുതല് കോടതി മുന്നില് തമ്പടിച്ചിരുന്നു. ബി.ജെ.പിയുടെ മൂന്നു നിയമസഭാംഗങ്ങളും ഭാരത് മാതാ കീ ജെയ് വിളികളുമായി പ്രതിഷേധത്തില് പങ്കെടുത്തിരുന്നു.
മുന് ബി.ജെ.പി നേതാവ് രാം ജത്മലാനിയാണ് കെജ്രിവാളിനു വേണ്ടി ഹാജരാകുന്നത്. ജെയ്റ്റ്ലിക്കു വേണ്ടി സിദ്്ധാര്ഥ് ലുത്ര ഹാജരായി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
