വിദേശത്തുള്ള നാല് കമ്പനികളില്‍ അമിതാഭ് ബച്ചന്‍ ഡയറക്ടറായിരുന്നുവെന്നും നികുതി വെട്ടിപ്പ് നടത്താന്‍ വിദേശകമ്പനികള്‍ തുടങ്ങിയതായും ആരോപിച്ചു ബച്ചനെതിരെ കൂടുതല്‍ തെളിവുകള്‍ പുറത്തുവന്നു.

ബച്ചന്‍ കമ്പനി യോഗത്തില്‍ പങ്കെടുത്തതായുള്ള രേഖകള്‍ പുറത്തുവിട്ടിരിക്കുന്നത് പ്രമുഖ മാധ്യമമായ ഇന്ത്യന്‍ എക്‌സ്പ്രസാണ്. പുതിയ വെളിപ്പെടുത്തലുകളോട് അമിതാഭ് ബച്ചന്‍ ഇതുവരെയും പ്രതികരിച്ചിട്ടില്ല.

നാല് കമ്പനികളിലും 1993-നും 1997-നും ഇടയില്‍ ഡയറക്ടറായിരുന്നെന്ന ആരോപണം ബച്ചന്‍ നിഷേധിക്കുകയും തന്റെ പേര് ദുരുപയോഗം ചെയ്യുകയാണെന്ന് ആരോപിക്കുകയും ചെയ്തിരുന്നു.

1994 ഡിസംബര്‍ 12 -ന്, ബ്രിട്ടീഷ് വിര്‍ജിന്‍ ദ്വീപില്‍ രജിസ്റ്റര്‍ ചെയ്ത സീ ബള്‍ക് ഷിപ്പിങ് കമ്പനി, ബഹാമാസില്‍ രജിസ്റ്റര്‍ ചെയ്ത ട്രാംപ് ഷിപ്പിങ് ലിമിറ്റഡ് എന്നീ കമ്പനികളുടെ സെന്റ് ജെഴ്‌സിയിലെ എസ്പ്ലാന്റെ ഹോട്ടലില്‍ വച്ചു നടന്ന യോഗങ്ങളില്‍ ബച്ചന്‍ ടെലിഫോണ്‍ കോണ്‍ഫറണ്‍സിലൂടെ പങ്കെടുത്തതായാണ് പുതിയ രേഖകള്‍ വന്നിരിക്കുന്നത്. കമ്പനികളുടെ ഡയറക്ടറുമാരുടെ പട്ടികയില്‍ ബച്ചന്റെ പേരും ഉള്‍പ്പെടുത്തിയതായി കാണാം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha