കടല്ക്കൊല കേസ്: ഇറ്റാലിയന് നാവികനെ ഉപാധികളോടെ വിടാമെന്ന് ഇന്ത്യ
കടല്ക്കൊല കേസിലെ പ്രതികളില് ഒരാളായ ഇറ്റാലിയന് നാവികനെ ഉപാധികളോടെ വിട്ടയയ്ക്കാമെന്നു കേന്ദ്ര സര്ക്കാര്. പ്രതിയായ സാല്വത്തോറെ ജിറോണിനെ ചില വ്യവസ്ഥകളുടെ അടിസ്ഥാനത്തില് വിട്ടയയ്ക്കാമെന്നാണു കേന്ദ്രം രാജ്യാന്തര കോടതിയെ അറിയിച്ചത്.
പാസ്പോര്ട്ട് ഉള്പ്പെടെയുള്ള എല്ലാ യാത്രാ രേഖകളും ഇറ്റലിയില് നല്കണം. ഇറ്റലി വിട്ടുപോകരുത്. വിചാരണ നടക്കുന്ന കാലയളവില് ഇറ്റലിയിലെ നിയുക്ത അധികൃതര്ക്കു മുന്നില് നിശ്ചിത ഇടവേളകളില് ഹാജരാകണം തുടങ്ങിയ വ്യവസ്ഥകളാണ് ഇന്ത്യ മുന്നോട്ട് വച്ചത്. രാജ്യാന്തര തര്ക്കങ്ങളില് മധ്യസ്ഥത വഹിക്കുന്നതിനായുള്ള നെതര്ലന്ഡ്സിലെ ഹേഗിലുള്ള പെര്മനന്റ് കോര്ട്ട് ഓഫ് ആര്ബിട്രേഷനില് (പി.സി.എ.) കഴിഞ്ഞ മാസം 30 നും 31നും നടന്ന വിചാരണക്കിടെയാണു ഇന്ത്യ നിലപാടു വ്യക്തമാക്കിയത്. ഭാവിയില് വിചാരണയ്ക്കായി നാവികനെ ഇന്ത്യക്ക് വിട്ടു നല്കുമെന്ന് പി.സി.എ. ഉറപ്പു നല്കണമെന്നും ഈ വ്യവസ്ഥയുടെ അടിസ്ഥാനത്തില് ജിറോണിനെ ഇറ്റലിയിലേക്ക് മടങ്ങാന് അനുവദിക്കാമെന്നും ഇന്ത്യയെ പ്രതിനിധീകരിച്ച നീരു ഛദ്ദ രാജ്യാന്തര കോടതിയെ അറിയിച്ചു. ഇതേത്തുടര്ന്ന് പി.സി.എ ആവശ്യപ്പെടുകയാണെങ്കില് ജിറോണിനെ ഇന്ത്യക്ക് വിട്ടുനല്കാമെന്ന ഔപചാരികമായ ഉറപ്പ് ഇറ്റലി കോടതിയില് നല്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
