രാജ്യസഭയിലേക്ക് സുരേഷ് ഗോപി എത്തുന്നുവെന്ന വാര്‍ത്തയില്‍ മുങ്ങിപ്പോയ താരമാണ് മേരികോം. രാജ്യത്തിന്റെ യശസ്സ് ലോകം മുഴുവന്‍ ഉയര്‍ത്തിയ താരത്തിന് ഇത് സുവര്‍ണ്ണ നിമിഷം. നടന്‍ സുരേഷ് ഗോപിക്കു പുറമേ മുതിര്‍ന്ന ബിജെപി നേതാവ് ഡോ. സുബ്രഹ്മണ്യന്‍ സ്വാമി, മുന്‍ ക്രിക്കറ്റ് താരം നവ്‌ജ്യോത് സിങ് സിദ്ദു, ഒളിംപ്യന്‍ ബോക്‌സര്‍ മേരി കോം, മുതിര്‍ന്ന പത്രപ്രവര്‍ത്തകന്‍ സ്വപന്‍ ദാസ്ഗുപ്ത, സാമ്പത്തിക വിദഗ്ധന്‍ ഡോ. നരേന്ദ്ര ജാദവ് എന്നിവരെ ബിജെപി രാജ്യസഭയിലേക്കു നാമനിര്‍ദ്ദേശം ചെയ്തു. കേന്ദ്രമന്ത്രിസഭയും പ്രധാനമന്ത്രിയുടെ ഓഫിസും അംഗീകരിച്ച പട്ടിക രാഷ്ട്രപതിക്ക് അയച്ചിട്ടുണ്ട്. രാഷ്ട്രപതി ഉത്തരവ് ഇറങ്ങുകയും ചെയ്തു.
സോണിയാഗാന്ധിക്കും രാഹുല്‍ഗാന്ധിയിക്കും എതിരെ നിയമയുദ്ധങ്ങള്‍ നയിക്കുന്ന വ്യക്തിയാണ് സുബ്രഹ്മണ്യം സ്വാമി. ജെഎന്‍യുവിന്റെ വൈസ് ചാന്‍സലര്‍ പദവി ഉള്‍പ്പെടെ പലതിലേക്കും പരിഗണിച്ചിരുന്നു. എന്നാല്‍ ഒന്നും നല്‍കിയില്ല. ഇതില്‍ അതൃപ്തനായിരുന്നു സ്വാമി. ഇതു മനസ്സിലാക്കിയാണ് തമിഴ്‌നാട്ടില്‍ നിന്നുള്ള നേതാവിനെ രാജ്യസഭയിലേക്ക് അയക്കുന്നത്. മന്ത്രിസഭാ പുനഃസംഘടനയില്‍ സുബ്രഹ്മണ്യം സ്വാമിയെ മന്ത്രിയാക്കാനും സാധ്യതയുണ്ട്. തമിഴ്‌നാട്ടിലെ നിയമസഭാ തെരഞ്ഞെടുപ്പിനെ സ്വാധീനിക്കാന്‍ കൂടിയാണ് സുബ്രഹ്മണ്യം സ്വാമിയേയും രാജ്യസഭയിലേക്ക് നോമിനേറ്റ് ചെയ്യുന്നത്.
സുരേഷ് ഗോപിയും മന്ത്രിയാകാന്‍ സാധ്യത ഏറെയാണ്. പഞ്ചാബില്‍ ബിജെപി സാധ്യത സജീവമാക്കാന്‍ സിദ്ദുവിനേയും മന്ത്രിയാക്കുമെന്നും സൂചനയുണ്ട്. ഏഴ് പേരെ രാജ്യസഭയിലേക്ക് നാമനിര്‍ദ്ദേശം ചെയ്യാനാകും. ഏഴാമനായി അനുപം ഖേര്‍ എത്തുമെന്നാണ് സൂചന. അസമില്‍ തെരഞ്ഞെടുപ്പ് നടക്കുന്ന സാഹചര്യത്തിലാണ് മേരി കോമിനെ നാമനിര്‍ദ്ദേശം ചെയ്യുന്നത്. ഇത് വടക്ക് കിഴക്കന്‍ സംസ്ഥാനങ്ങളിലെ ജനങ്ങളെ ബിജെപിയുമായി അടുപ്പിക്കാനുള്ള നീക്കമാണ്. പഞ്ചാബിലെ ബിജെപി നേതാവായ സിദ്ദുവും പാര്‍ട്ടി കേന്ദ്ര നേതൃത്വവുമായി അടുപ്പത്തില്‍ അല്ല. ആംആദ്മി പാര്‍ട്ടിയുമായി സിദ്ദു അടുക്കുന്നതായും സൂചനയുണ്ട്. ആപ്പിന്റെ മുഖ്യമന്ത്രി സ്ഥാനാര്‍ത്ഥിയായി സിദ്ദു മാറുമെന്ന അഭ്യൂഹവും ശക്തമാണ്. ഈ സാഹചര്യത്തിലാണ് സിദ്ദുവിനെ രാജ്യസഭയിലേക്ക് നാമനിര്‍ദ്ദേശം ചെയ്യുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha