മുംബൈയിലെ കന്ദീവിലി എന്ന സ്ഥലത്താണ് പിസ്സാ തട്ടിപ്പ് നടന്നത്. 24 വയസ്സുകാരനായ അനില്‍ ഓജ എന്ന എം.ബി.എ വിദ്യാര്‍ഥിയാണ് തട്ടിപ്പിനിടെ പോലീസ് പിടിയിലായത്. സംഭവം നടന്നത് ഇങ്ങനെയാണ്, അനിലിന്റെ കൂട്ടുകാരനായ മയൂര്‍ പാട്ടീല്‍ പിസ്സ ഷോപ്പില്‍ വിളിച്ച് ഒരു നോണ്‍വെജ് പിസ്സയും ഒരു വെജ് പിസ്സയും ഓര്‍ഡര്‍ ചെയ്തു. പിസ്സ അയച്ചതിന് ഏതാനും നിമിഷങ്ങള്‍ക്കകം മയൂര്‍ വീണ്ടും പിസ്സ ഷോപ്പിലേക്ക് വിളിക്കുകയും താന്‍ വെജ് പിസ്സയാണ് ഓര്‍ഡര്‍ ചെയ്‌തെതെന്നും മാനേജറോട് വാദിച്ചു. ഇതേ സമയം തന്നെ അനില്‍ ഫോണ്‍ വാങ്ങി മാനേജറോട് ദേഷ്യപ്പെട്ടു. തന്റെ കൂട്ടുകാരന്‍ ഒരു ബ്രാഹ്മണന്‍ ആണെന്നും അവനെ അപമാനിക്കാനാണോ നോണ്‍ വെജ് പിസ്സ അയച്ചതെന്നും അനില്‍ ചോദിച്ചു. സോഷ്യല്‍ മീഡിയയിലൂടെ താന്‍ കമ്പനിയെ അപമാനിക്കുമെന്നും അനില്‍ ഭീഷണിപ്പെടുത്തി. ഏതാനും ദിവസങ്ങള്‍ക്കു ശേഷം വീണ്ടും വിളിച്ച് നഷ്ടപരിഹാരമായി ഒരു കോടി രൂപ ആവശ്യപ്പെടുകയും അത് നല്കിയാല്‍ ഈ വിവരം രഹസ്യമായി സൂക്ഷിക്കമെന്നും പറഞ്ഞു. എന്നാല്‍ ഒരു ലക്ഷം രൂപയേ തരാന്‍ കഴിയുള്ളൂ എന്നും മാനേജര്‍ പറയുന്നു. ആദ്യ ഗഡുവായ 25,000 രൂപ വാങ്ങാന്‍ മഹാവീര്‍ നഗറിലേക്ക് വന്ന അനിലിനെ മാനേജറിന്റെ പരാതിപ്രകാരം പോലീസ് അറസ്റ്റ് ചെയ്യുകയായിരുന്നു. സെക്ഷന്‍ 384 പ്രകാരമാണ് കേസ് എടുത്തിരിക്കുന്നത്. അനിലിന്റെ കൂട്ടുകാരനെ അറസ്റ്റ് ചെയ്തിട്ടില്ല. ആഡംബര ജീവിതം നയിക്കുന്നതിന് വേണ്ടിയാണ് തട്ടിപ്പ് നടത്തിയതെന്ന് പ്രതി പോലീസിനോട് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha