പൂനയിലെ ആദിത്യ ബിര്‍ള മെമ്മോറിയല്‍ ഹോസ്പിറ്റലില്‍ ആണ് ഇത്തരത്തിലുള്ള ഒരു സംഭവം നടന്നത്. ഇരുപത്തിയെട്ടുകാരിയായ സോഫ്റ്റ്‌വെയര്‍ എഞ്ചിനീയര്‍ ശില്പ പരിഹാറിനാണ് ഇങ്ങനെയൊരു ഗതി വന്നത്. റൂമില്‍ അതിയായ തണുപ്പായതിനാല്‍ ഹീറ്റര്‍ പ്രവര്‍ത്തിപ്പിക്കാന്‍ യുവതി നേഴ്‌സിനോട് ആവശ്യപ്പെട്ടിരുന്നു. ഇത് പ്രകാരം നേഴ്‌സ് ഹീറ്റര്‍ യുവതിയുടെ കാല്‍ഭാഗത്തേക്ക് പ്രതിഭലിപ്പിക്കുന്ന വിധം സജ്ജീകരിച്ചിട്ടാണ് പോയത്. എന്നാല്‍ കുറച്ച് സമയങ്ങള്‍ക്കു ശേഷം ചൂട് യുവതിയുടെ ശരീരമാകെ വ്യാപിക്കുവാന്‍ തുടങ്ങുകയും ചെയ്തു. നേഴ്‌സിനെ വിളിക്കുന്നതിനിടയില്‍ തന്നെ ശില്പയുടെ വലതുകാല്‍ കുറേയധികം പൊള്ളിയിരുന്നു. സംഭവം നടക്കുമ്പോള്‍ താന്‍ മയക്കത്തിലായിരുന്നുവെന്നും ചൂട് അനുഭവപ്പെട്ടതിനാലാണ് താന്‍ പെട്ടെന്ന് ചാടി എഴുന്നേറ്റതെന്നും അല്ലായിരുന്നുവെങ്കില്‍ മറ്റൊന്നായിരിക്കും സംഭവിക്കുക എന്നും യുവതി ഭീതിയോടെ പറയുന്നു. ശില്പയുടെ ഭര്‍ത്താവായ ജിതേന്ദ്ര സിംഗ് പരാതി എഴുതി ഹോസ്പിറ്റല്‍ മാനേജ്‌മെന്റിന് നല്കിയിരുന്നു. നഷ്ടപരിഹാരവും ആവശ്യപ്പെട്ടിട്ടുണ്ട്. എന്നാല്‍ ആശുപത്രി അധികൃതരെ കാണാന്‍ പോകുമ്പോഴെല്ലാം അവര്‍ ഒഴിഞ്ഞ് മാറുന്നതിനാല്‍ ഇപ്പോള്‍ കേസ് ഫയല്‍ ചെയ്തിരിക്കുകയാണ് ശില്പയും ഭര്‍ത്താവും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha