മുനിസിപ്പൽ കോർപ്പറേഷനിലെ ഉദ്യോഗസ്ഥന്റെ തായ്‌ലൻഡ് യാത്ര വിവാദമായി...മുതലയിറച്ചി രുചിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍.. അനുമതി വാങ്ങാതെയാണ് യാത്ര പുറപ്പെട്ടത്..
മധ്യപ്രദേശിലെ ഉജ്ജ്വയിൻ മുനിസിപ്പൽ കോർപ്പറേഷനിലെ ഉദ്യോഗസ്ഥന്റെ തായ്‌ലൻഡ് യാത്ര വിവാദമായി. തായ്ലന്‍ഡ് യാത്രയ്ക്കിടെ മുതലയിറച്ചി രുചിക്കുന്ന ദൃശ്യങ്ങള്‍ സമൂഹമാധ്യമങ്ങളില്‍ പങ്കുവെച്ചതിന് പിന്നാലെ മധ്യപ്രദേശില്‍ മുനിസിപ്പല്‍ കോര്‍പ്പറേഷന്‍ ഉദ്യോഗസ്ഥന് കുരുക്ക്.വിദേശ പര്യടനത്തിനു അനുമതി വാങ്ങാതെയാണ് രാജ്കുമാർ റാത്തോഡ് ഭാര്യയ്ക്കൊപ്പം തായ്‌ലൻഡിലേക്ക് സന്ദർശനത്തിനു പോയത്. എന്നാൽ തയ്‌ലൻഡിൽ വച്ച് റാത്തോഡിന്റെ ഭാര്യ മുതല ഇറച്ചിയുമായി നിൽക്കുന്ന വിഡിയോ പങ്കുവച്ചിരുന്നു.
"തായ്‌ലൻഡിൽ ആദ്യമായി മുതല ഇറച്ചി പരീക്ഷിക്കുന്നു" എന്ന അടിക്കുറിപ്പോടെ പോസ്റ്റ് ചെയ്ത വിഡിയോ സമൂഹമാധ്യമങ്ങളിൽ വൈറലാകുകയും ചെയ്തു. ഇതോടെയാണ് റാത്തോഡ് വിദേശയാത്ര നടത്തിയെന്ന് ഓഫിസിലുള്ളവർക്ക് മനസ്സിലായത്. യാത്രയ്ക്കിടെ ഇവര്‍ മുതലയിറച്ചി കഴിക്കുന്ന ദൃശ്യങ്ങള്‍ പുറത്തുവന്നതോടെ വന്‍ വിമര്‍ശനമാണ് ഉയര്‍ന്നത്. തുടര്‍ന്ന് നടത്തിയ പരിശോധനയില്‍ സര്‍ക്കാര്‍ മുന്‍കൂര്‍ അനുമതിയില്ലാതെയാണ് ഇയാള്‍ വിദേശയാത്ര നടത്തിയതെന്ന് വ്യക്തമാവുകയായിരുന്നു.തുടർന്ന് റാത്തോഡ് തിരിച്ചെത്തിയപ്പോൾ മേലധികാരികൾ കാരണം കാണിക്കൽ നോട്ടിസ് നൽകി.
ഉജ്ജൈൻ മുനിസിപ്പൽ കോർപ്പറേഷനിലെ 1, 2, 3 സോണുകളിലെ ബിൽഡിങ് ഓഫിസറാണ് റാത്തോഡ്. അതേസമയം ഒക്ടോബർ 19 മുതൽ 23 വരെ റാത്തോഡ് അവധിയെടുത്തിരുന്നുവെന്ന്മുനിസിപ്പൽ കമ്മിഷണർ പറഞ്ഞു. എന്നാൽ അവധി അപേക്ഷയിൽ വിദേശ യാത്രയെ കുറിച്ച് വെളിപ്പെടുത്തിയിരുന്നില്ല. വിശദീകരണം തൃപ്തികരമല്ലെങ്കിൽ റാത്തോഡിനു വകുപ്പുതല നടപടികൾ നേരിടേണ്ടി വരും. ഈ വീഡിയോ സമൂഹമാധ്യമങ്ങളില്‍ വന്‍തോതില്‍ വൈറലാവുകയും പൊതുജനങ്ങളില്‍ നിന്ന് കടുത്ത പ്രതിഷേധം ഉയരുകയും ചെയ്തതോടെയാണ് സംഭവം ഉന്നതാധികാരികളുടെ ശ്രദ്ധയില്‍പ്പെട്ടത്.
ഇയാള്‍ക്കെതിരെ വകുപ്പുതല അന്വേഷണത്തിന് ഉത്തരവിട്ടു. അന്വേഷണത്തില്‍ ചട്ടലംഘനം തെളിഞ്ഞാല്‍ ഉദ്യോഗസ്ഥനെതിരെ കടുത്ത അച്ചടക്ക നടപടികള്‍ സ്വീകരിക്കുമെന്നും അധികൃതര്‍ അറിയിച്ചിട്ടുണ്ട്.ഔദ്യോഗിക അനുമതിയില്ലാതെ വിദേശയാത്ര നടത്തുന്ന സർക്കാർ ഉദ്യോഗസ്ഥർക്കെതിരെ കർശനമായ അച്ചടക്ക നടപടികൾ സ്വീകരിക്കാറുണ്ട്. സിവിൽ സർവീസ് ചട്ടങ്ങൾ (Civil Services Rules) അനുസരിച്ച് ഒരു സർക്കാർ ജീവനക്കാരൻ ഇന്ത്യയ്ക്ക് പുറത്തേക്ക് യാത്ര ചെയ്യുമ്പോൾ മുൻകൂട്ടി അനുമതി വാങ്ങുന്നത് നിർബന്ധമാണ്.
ചട്ടലംഘനം ശ്രദ്ധയിൽ പെട്ടാൽ ആദ്യപടിയായി അധികൃതർ ജീവനക്കാരന് കാരണം കാണിക്കൽ നോട്ടീസ് നൽകും. കൃത്യമായ മറുപടി നൽകാൻ നിശ്ചിത സമയം അനുവദിക്കും. കുറ്റത്തിന്റെ ഗൗരവം കണക്കിലെടുത്ത്, അന്വേഷണം പൂർത്തിയാകുന്നതുവരെ ജീവനക്കാരനെ സർവീസിൽ നിന്ന് താൽക്കാലികമായി മാറ്റിനിർത്താം.ചട്ടലംഘനം തെളിയിക്കപ്പെട്ടാൽ വാർഷിക ശമ്പള വർദ്ധനവോ (Increment) അല്ലെങ്കിൽ വരാനിരിക്കുന്ന പ്രൊമോഷനുകളോ നിശ്ചിത കാലത്തേക്ക് തടഞ്ഞുവെക്കാം.അതീവ ഗുരുതരമായ സുരക്ഷാ വീഴ്ചയോ രാജ്യവിരുദ്ധ പ്രവർത്തനങ്ങളോ അല്ലെങ്കിൽ മുൻപും ഇത്തരം കുറ്റങ്ങൾ ആവർത്തിച്ചിട്ടുള്ള സാഹചര്യമോ ആണെങ്കിൽ ജോലിയിൽ നിന്ന് പിരിച്ചുവിടാൻ വരെ നിയമമുണ്ട്.
https://www.facebook.com/Malayalivartha
