ഓഹരി വിപണിയില്‍ ഇടിവ്. വ്യാപാരത്തിന്റെ ആരംഭത്തിൽ സെന്‍സെക്‌സ് 281 പോയിന്റാണ് താഴ്ന്നത്. നിഫ്റ്റിയിലും സമാനമായ ഇടിവ് ദൃശ്യമാകുകയായിരുന്നു. ആഗോള വിപണിയില്‍ എണ്ണവില കാര്യമായി കുറയാതെ ഉയര്‍ന്ന തലത്തില്‍ തന്നെ നില്‍ക്കുന്നതാണ് വിപണിയെ ബാധിച്ചത്.

നിലവില്‍ ഇന്ത്യ മുഖ്യമായി ആശ്രയിക്കുന്ന ബ്രെന്‍ഡ് ക്രൂഡ് വില ബാരലിന് 114 ഡോളറിന് മുകളിലാണ്. ഇന്‍ഫോസിസ്, ഹിന്ദുസ്ഥാന്‍ യൂണിലിവര്‍, ടിസിഎസ്, ഏഷ്യന്‍ പെയിന്റ്‌സ്, എച്ച്‌സിഎല്‍ ടെക്, ടെക് മഹീന്ദ്ര ഓഹരികളാണ് പ്രധാനമായി നഷ്ടം നേരിട്ടത്. ഭാരത് ഇലക്ട്രോണിക്‌സ്, മാരുതി, ഇന്റര്‍ഗ്ലോബ് ഏവിയേഷന്‍ എന്നിവയാണ് പ്രധാനമായി നേട്ടമുണ്ടാക്കിയത്. അതിനിടെ ഡോളറിനെതിരെ രൂപയുടെ മൂല്യവും താഴ്ന്നു.

വ്യാപാരത്തിന്റെ തുടക്കത്തില്‍ ഏഴു പൈസയുടെ നഷ്ടമാണ് നേരിട്ടത്. 95.22ലേക്കാണ് രൂപയുടെ മൂല്യം താഴ്ന്നത്.