രഘുറാം രാജനെതിരായ സുബ്രഹ്മണ്യന്‍ സ്വാമിയുടെ പരാമര്‍ശം ഉചിതമായില്ലെന്ന് പ്രധാനമന്ത്രി നരേന്ദ്ര മോദി. സുബ്രഹ്മണ്യന്‍ സ്വാമിയുടെ പേര് പരാമര്‍ശിക്കാതെയാണ് പ്രധാനമന്ത്രി ഇക്കാര്യം പറഞ്ഞത്. തന്റെ പാര്‍ട്ടി അംഗമാണോ അല്ലയോ എന്നല്ല. അത്തരം പരാമര്‍ശം അനുചിതമായി. ഇത്തരം പ്രചരണങ്ങള്‍ രാജ്യത്തിന് നല്ലതല്ലെന്നും മോദി പറഞ്ഞു. രഘുറാം രാജനുമായുള്ള തന്റെ അനുഭവം വളരെ നല്ലതാണ്. അദ്ദേഹം രാജ്യ സ്‌നേഹിയാണ്. ഇന്ത്യയെ സ്‌നേഹിക്കുന്നുണ്ടെന്നും മോദി പറഞ്ഞു. 

താങ്കളുടെ രാജ്യസഭാ എം.പിയുടെ പരാമര്‍ശത്തെ കുറിച്ചുള്ള മാധ്യമപ്രവര്‍ത്തകന്റെ ചോദ്യത്തിന് മറുപടിയായാണ് സ്വാമിയുടെ പേരെടുത്ത് പരയാതെ മോദി നയം വ്യക്തമാക്കിയത്. ഇന്ത്യന്‍ സാമ്പത്തിക വ്യവസ്ഥയെ നശിപ്പിച്ച ആളാണ് രഘു റാം രാജനെന്ന് സുബ്രമണ്യന്‍ സ്വാമി അഭിപ്രായപ്പെട്ടിരുന്നു. സാമ്പത്തിക വ്യവസ്ഥ തകര്‍ന്നതില്‍ പൂര്‍ണ ഉത്തരവാദിത്തം അദ്ദേഹത്തിനാണെന്നും യു.എസില്‍ ഗ്രീന്‍ കാര്‍ഡ് ഉള്ള റിസര്‍വ് ബാങ്ക് ഗവര്‍ണര്‍ ഇന്ത്യക്കാരനല്ലെന്നും അത് കൊണ്ട് അദ്ദേഹം ചിക്കാഗോയിലേക്ക് മടങ്ങി പോകുന്നതാണ് നല്ലതെന്നും സ്വാമി പറഞ്ഞിരുന്നു. ഇതേ തുടര്‍ന്ന് റിസര്‍വ് ബാങ്ക് ഗവര്‍ണര്‍ പദവിയിലെ രണ്ടാമൂഴത്തില്‍ താനുണ്ടാകില്ലെന്ന് രഘുറാം രാജനു ം വ്യക്തമാക്കിയിരുന്നു. സ്വാമിയുടെ ഈ പരാമര്‍ശങ്ങള്‍ വിവാദമാകുകയിരുന്നു. 

ആരോപണങ്ങളുമായി രംഗത്ത് വന്ന സ്വാമിയോട് സ്വയം അച്ചടക്കം പരിശീലിക്കണമെന്ന് ധനമന്ത്രി ജെയ്റ്റ്‌ലി ഉപദേശിച്ചിരുന്നു. സ്വയം നിയന്ത്രിക്കണമെന്നാവശ്യപ്പെട്ട് താന്‍ ആവശ്യപ്പെടാതെ ഉപദേശങ്ങളുമായി എത്തുന്നവരുണ്ട്. പക്ഷെ താനത് പാലിക്കാതിരുന്നാല്‍ ഇവിടെ ചോരപ്പുഴയാണ് ഒഴുകുകയെന്ന് ജെയ്റ്റ്‌ലിയുടെ പ്രസ്തവാനക്ക് മറുപടിയായി സ്വാമി ട്വിറ്ററില്‍ കുറിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha