ഡ്രോണ് ഉപയോഗിച്ചുള്ള ആക്രമണങ്ങള്ക്കു സാധ്യത: മുംബൈയില് ജാഗ്രതാ നിര്ദേശം
പൈലറ്റില്ലാത്ത ചെറുവിമാനങ്ങള് (ഡ്രോണ്) ഉപയോഗിച്ചുള്ള ആക്രമണങ്ങള്ക്കു സാധ്യതയുള്ളതിനാല് ജാഗ്രത പാലിക്കാന് മുംബൈ പൊലീസ് കമ്മിഷണര് നിര്ദേശം നല്കി. വിദൂര നിയന്ത്രിത ചെറുവിമാനങ്ങള്ക്ക് ഈ മാസം 31 വരെ നിരോധനം ഏര്പ്പെടുത്തിയിട്ടുണ്ട്. ഡ്രോണുകള് ഉപയോഗിച്ചാല് കേസെടുക്കാനാണ് നിര്ദേശം.
സിനിമാ ചിത്രീകരണത്തിനും ഫോട്ടോഗ്രാഫിക്കും ഉള്പ്പെടെ ഡ്രോണുകളുടെ ഉപയോഗം വ്യാപകമായി വരുന്ന സാഹചര്യത്തില് ഓരോ മേഖലയിലും നിരീക്ഷണം കര്ശനമാക്കണമെന്ന് പൊലീസ് കമ്മിഷണറുടെ ഉത്തരവില് പറയുന്നു. നിയന്ത്രണരേഖയ്ക്കു സമീപം ഇന്ത്യന് സൈന്യം നടത്തിയ മിന്നലാക്രമണത്തിനു പിന്നാലെ തുടരുന്ന അതീവജാഗ്രതയുടെ ഭാഗമായാണ് നടപടി.
നവരാത്രി, ദീപാവലി ഉല്സവങ്ങളുടെ സമയമായതിനാല് ആക്രമണസാധ്യത കൂടുതലാണെന്നാണ് പൊലീസിന്റെ കണക്കുകൂട്ടല്. ഒരു പഴുതും ശേഷിപ്പിക്കാതെയുള്ള കരുതലിനാണ് നിര്ദേശം നല്കിയിരിക്കുന്നത്.
https://www.facebook.com/Malayalivartha
