നിയന്ത്രണരേഖയില്‍ ഇന്ത്യന്‍ സൈനിക പോസ്റ്റുകള്‍ക്കുനേരെ പാക് സൈന്യം ഇന്നു രാവിലെ ശക്തമായ ഷെല്ലാക്രമണം നടത്തി. പൂഞ്ച് ജില്ലയിലെ അതിര്‍ത്തികളിലാണ് പാക് സൈന്യം ഷെല്ലാക്രമണവും ശക്തമായ വെടിവയ്പ്പും നടത്തിയത്.
പൂഞ്ചിലെ മാള്‍ട്ട മേഖലയിലാണ് പാക് സൈന്യം വെടിവയ്പ്പും ഷെല്ലാക്രമണവും നടത്തിയതെന്ന് പോലീസ് അധികൃതര്‍ അറിയിച്ചു. ഇന്ത്യന്‍ സൈന്യത്തിന്റെ പോസ്റ്റുകള്‍ക്കും ജനവാസ കേന്ദ്രങ്ങളിലേക്കുമാണ് ഷെല്‍ ആക്രമണം നടന്നത്. ഇതേത്തുടര്‍ന്ന് ഇന്ത്യന്‍ സൈന്യം ശക്തമായി തിരിച്ചടിച്ചു.
പാക് അധിനിവേശ കാഷ്മീരിലെ ഭീകരകേന്ദ്രങ്ങളില്‍ ഇന്ത്യ നടത്തിയ മിന്നലാക്രമണത്തിനുശേഷം അതിര്‍ത്തിപ്രദേശങ്ങളില്‍ പാക്കിസ്ഥാന്‍ തുടര്‍ച്ചയായി വെടിനിര്‍ത്തല്‍ കരാര്‍ ലംഘിച്ച് പ്രകോപനം തുടരുകയാണ്.