ചികില്‍സയില്‍ കഴിയുന്ന തമിഴ്‌നാട് മുഖ്യമന്ത്രി ജയലളിതയെ കാണാന്‍ കോണ്‍ഗ്രസ് ദേശീയ ഉപാധ്യക്ഷന്‍ രാഹുല്‍ ഗാന്ധിയുടെ അപ്രതീക്ഷിത സന്ദര്‍ശനം. ഡല്‍ഹിയില്‍ നിന്ന് പ്രത്യേക വിമാനത്തില്‍ ചെന്നൈയിലെത്തിയ രാഹുല്‍ ഗാന്ധി അപ്പോളോ ആശുപത്രിയിലെത്തി ജയലളിതയെ കണ്ടു. കൂടിക്കാഴ്ച മുക്കാല്‍ മണിക്കൂറോളം നീണ്ടു. ഡോക്ടര്‍മാരുമായും അണ്ണാഡിഎംകെ നേതാക്കളുമായും ചര്‍ച്ച നടത്തി. ആരോഗ്യസ്ഥിതിയില്‍ പുരോഗതിയുണ്ടെന്നാണ് മനസിലാക്കാനായതെന്ന് രാഹുല്‍ ഗാന്ധി പറഞ്ഞു. ജയലളിത എത്രയും വേഗം സുഖം പ്രാപിച്ചുവരുമെന്നുതന്നെയാണ് പ്രതീക്ഷയെന്നും രാഹുല്‍ പറഞ്ഞു.