അബുസിന് മോചിതനായി, ഞാന് ഇനി ആരോടും ചാറ്റ് ചെയ്യില്ല
സമൂഹമാധ്യമങ്ങളില് വന് തരംഗം സൃഷ്ടിക്കുകയും യൂട്യൂബില് തരംഗം സൃഷ്ടിക്കുകയും ചെയ്ത വീഡിയോ ആയിരുന്നു സൗദി യുവാവ് യുവതിയോടു ചാറ്റ് ചെയ്യുന്നത്. ചാറ്റിംഗിന്റെ പേരില് സൗദി പൗരനായ അബുസിന് എന്ന 19കാരന് അറസ്റ്റിലായതിനു തൊട്ടുപിന്നാലെയാണ് വീഡിയോ വൈറലായത്. സമൂഹ മാധ്യമത്തിലൂടെ സൗദി സംസ്ക്കാരത്തിന് നിരക്കാത്ത വിധത്തില് യുവതിയോട് വീഡിയോ ചാറ്റ് ചെയ്തു എന്ന കുറ്റത്തിനാണ് അബുസിനെ അറസ്റ്റ് ചെയ്തത്.
ഒരാഴ്ച നീണ്ട ജയില് വാസത്തിനൊടുവിലാണ് അബുസിന് ജയില് മോചിതനാകുന്നത്. അമേരിക്കന് യുവതിയായ ക്രിസ്റ്റിന കോക്കര് എന്ന 21 കാരിയുമായാണ് അബുസിന് ചാറ്റ് ചെയ്തത്. വീഡിയോ ചാറ്റിന്റെ രംഗങ്ങള് സമൂഹമാധ്യമങ്ങളില് വൈറലായിരുന്നു. സൗദി സംസ്കാരത്തിനു നിരക്കാത്തവിധം സമൂഹ മാധ്യമങ്ങളിലൂടെ മറ്റൊരു വനിതയുമായുള്ള വീഡിയോ ചാറ്റ് രംഗം പ്രചരിപ്പിച്ചതിന്റെ പേരില് സൈബര് കുറ്റകൃതൃങ്ങളിലെ ആര്ട്ടിക്കിള് ആറ് പ്രകാരമായിരുന്നു അബൂസിന് അറസ്റ്റിലായത്.
അബുസിനെതിരായ കേസില് അന്വേഷണം നടന്നു കൊണ്ടിരിക്കുകയാണ്. സൗദി അന്വേഷണവിഭാഗമാണ് കേസ് അന്വേഷിക്കുന്നത്. കുറ്റം തെളിയിക്കപ്പെട്ടാല് അഞ്ചു വര്ഷം വരെ ജയില് വാസമോ അല്ലെങ്കില് ജയില് വാസത്തോടൊപ്പം മൂന്നു മില്യണിലധികം പിഴയും ശിക്ഷ വിധിക്കാവുന്ന കുറ്റമാണ് രേഖപ്പെടുത്തിയിരിക്കുന്നത്. താന് ഇനി ഒരിക്കലും സമൂഹ മാധ്യമങ്ങളില് വീഡിയോ പോസ്റ്റ് ചെയ്യില്ലെന്ന് ജയില് മോചിതനായ അബൂസിന് പറഞ്ഞിട്ടുണ്ട്. കഴിഞ്ഞ ദിവസം അബൂസിന് ജയില് മോചിതനായ വിവരം ആദ്യം പുറത്തുവിട്ടത് അല് അറേബൃ എന്ന അറബ് ന്യൂസ് ചാനലാണ്.
https://www.facebook.com/Malayalivartha
