സാധാരണക്കാരന്റെ കീശ കാലിയാക്കുന്ന സാമ്പത്തിക വര്‍ഷമാണ് കടന്നു വരുന്നത്. കരുതാം കൂടുതല്‍ അദ്വാനിക്കാം. ശനിയാഴ്ച ഏപ്രില്‍ ഒന്ന്. പുതിയ ധനകാര്യ വര്‍ഷം പിറക്കുന്നു. നിത്യജീവിതത്തെ ബാധിക്കുന്ന നിരവധി മാറ്റങ്ങള്‍ക്കു തുടക്കം കുറിക്കുന്നു.

പണമിടപാടിനു പരിധി

ശനിയാഴ്ച മുതല്‍ പ്രതിദിന പണമിടപാടിനു രണ്ടു ലക്ഷം രൂപ പരിധി ഉണ്ട്. 
ബജറ്റില്‍ മൂന്നു ലക്ഷം പറഞ്ഞതു പിന്നീട് രണ്ടു ലക്ഷമായി കുറച്ചു. വ്യവസ്ഥ ലംഘിച്ചാല്‍ ഇടപാടു തുകയോളം പിഴ ഈടാക്കും. ഒരു ദിവസം ഒരു കാര്യത്തിനായുള്ള ഇടപാടിനാണു പരിധി. കൂടുതല്‍ തുകയ്ക്കുള്ള ഇടപാടിന് അക്കൗണ്ട് പേയീ ചെക്ക്, ഡിമാന്‍ഡ് ഡ്രാഫ്റ്റ്, ഇലക്‌ട്രോണിക് ട്രാന്‍സ്ഫര്‍ തുടങ്ങിയവ ഉപയോഗിക്കാം.

എസ്ബിടി ഇനിയില്ല

ശനിയാഴ്ച മുല്‍ സ്‌റ്റേ?റ്റ് ബാങ്ക് ഓഫ് ട്രാവന്‍കൂര്‍ നിലവിലില്ല. എസ്ബിടി ശാഖകളും ഓഫീസുകളും സ്‌റ്റേറ്റ് ബാങ്ക് ഓഫ് ഇന്ത്യ ഓഫീസുകളാകും. ഇടപാടുകാര്‍ പ്രത്യേകമായി ഒന്നും ശ്രദ്ധിക്കേണ്ടതില്ല. പതിവുപോലെ ഇടപാടുകള്‍ തുടരാം. പുതിയ എടിഎം കാര്‍ഡും ചെക്ക് ബുക്കും പാസ് ബുക്കും എത്തുംവരെ പഴയവ ഉപയോഗിക്കാം. പുതിയവ മൂന്നു മാസത്തിനകം എത്തും. ക്രമേണ ചില ശാഖകള്‍ നിര്‍ത്തലാക്കുമ്പോള്‍ അടുത്ത ശാഖയിലേക്ക് ഇടപാട് മാറും. നിക്ഷേപ പലിശയിലോ വായ്പാ പലിശയിലോ മാറ്റമില്ല. അക്കൗണ്ട് നമ്പരിലും ഐഎഫ്എസ്‌സി കോഡിലും മാറ്റമില്ല.

നികുതി കുറയും

ശനിയാഴ്ച മുതലുള്ള വരുമാനത്തിന് ആദായ നികുതി കുറയും. 2.5 ലക്ഷം രൂപ മുതല്‍ അഞ്ചു ലക്ഷം രൂപ വരെ വരുമാനമുള്ളവര്‍ക്ക് 10 ശതമാനമായിരുന്ന ആദായനികുതി അഞ്ചു ശതമാനമാക്കി. ഒപ്പം മൂന്നരലക്ഷം രൂപ വരെ വരുമാനമുള്ളവര്‍ക്ക് മുന്‍ വര്‍ഷമനുവദിച്ച ടാക്‌സ് റിബേറ്റ് 5000 രൂപയില്‍നിന്ന് 2500 രൂപയായി കുറച്ചു. തന്മൂലം 3.5 ലക്ഷം രൂപവരെ വരുമാനമുള്ളവര്‍ക്കു നികുതി നല്‍കേണ്ട. അഞ്ചു ലക്ഷം രൂപ വരെ വരുമാനമുള്ളവര്‍ക്ക് നികുതി പകുതിയാകും. കൂടുതല്‍ വരുമാനമുള്ളവര്‍ക്കു 12500 രൂപവരെ നികുതി കുറയും.

പുതിയ സര്‍ചാര്‍ജ്

50 ലക്ഷത്തിനും ഒരു കോടിക്കുമിടയില്‍ വരുമാനമുള്ളവര്‍ക്ക് നികുതിയുടെ പത്തു ശതമാനം സര്‍ചാര്‍ജ് ചുമത്തി. ഒരു കോടിക്കുമുകളിലുള്ളവരുടെ 15 ശതമാനം സര്‍ചാര്‍ജ് തുടരും ഒരു പേജില്‍ 50 ലക്ഷം രൂപ വരെ ശമ്പള വരുമാനമുള്ളവര്‍ക്ക് ഇനി ഒരു പേജിലുള്ള ലളിതമായ ആദായ നികുതി റിട്ടേണ്‍ ഫോം. അഞ്ചു ലക്ഷം വരെ എന്ന ബജറ്റ് വാഗ്ദാനമാണു വിപുലമാക്കിയത്. ശമ്പളത്തിനു പുറമേ ഒരു കെട്ടിടത്തിന്റെ വാടകവരുമാനമേ ഉണ്ടാകാവൂ. റിട്ടേണ്‍ യഥാസമയം നല്‍കിയില്ലെങ്കില്‍ 10000 രൂപ വരെപിഴ.

പഞ്ചവത്സരം മാറി, ത്രിവത്സരമായി

ആസൂത്രണ കമ്മീഷന്‍ നിര്‍ത്തലാക്കിയതോടെ പഞ്ചവത്സര പദ്ധതികള്‍ അവസാനിച്ചു. 12ാം പദ്ധതി ഇന്നു പൂര്‍ത്തിയാകും. കമ്മീഷനു പകരംവന്ന നീതി ആയോഗ് ത്രിവത്സര കര്‍മ പരിപാടി നാളെ മുതല്‍ നടപ്പാക്കും. സമയബന്ധിതമാകും പരിപാടി. ഓരോ ഘട്ടവും പൂര്‍ത്തീകരിച്ചിട്ടേ അടുത്തതിനു പണം അനുവദിക്കൂ.ഇ?നി ബിഎസ് 4 മാത്രം
മലിനീകരണ നിയന്ത്രണം കര്‍ശനമാക്കുന്നതിന്റെ ഭാഗമായി രാജ്യത്തു ബിഎസ്4 മാനദണ്ഡം പാലിക്കുന്ന വാഹനങ്ങളേ വില്ക്കാവൂ എന്ന ചട്ടം നാളെ പ്രാബല്യത്തിലാകുന്നു. ബിഎസ്3 ലുള്ള എട്ടരലക്ഷത്തോളം വാഹനങ്ങള്‍ വില്ക്കാതെ ശേഷിക്കുന്നുണ്ട്. ഇന്നുവരെ വിറ്റ ബിഎസ് 3 വാഹനങ്ങള്‍ ഏപ്രിലില്‍ രജിസ്റ്റര്‍ ചെയ്യാം.
ഇന്ധനവില കുറയും, ഇന്‍ഷ്വറന്‍സ് കൂടും

പുതിയ ധനകാര്യവര്‍ഷം വാഹന ഉടമകള്‍ക്ക് ആശ്വാസവും ഒപ്പം ഭാരവും നല്കും. പെട്രോള്‍, ഡീസല്‍ വിലകള്‍ കുറയും. വിദേശത്തു ഡീസല്‍ വില പത്തും പെട്രോള്‍ വില അഞ്ചരയും ശതമാനം കുറഞ്ഞു. പെട്രോള്‍ ലിറ്ററിനു രണ്ടും ഡീസലിനു മൂന്നും രൂപ കുറയ്ക്കാനാകുമെന്നാണു പ്രതീക്ഷ.ഇതേസമയം, തേഡ് പാര്‍ട്ടി ഇന്‍ഷ്വറന്‍സ് പ്രീമിയം കൂടും. ചെറുവാഹനങ്ങള്‍ക്കു വര്‍ധനയില്ല. സാധാരണ വാഹന ഇന്‍ഷ്വറന്‍സ് നിരക്ക് അഞ്ചു ശതമാനം വരെ കൂടും.

റെയില്‍വേയില്‍ വികല്പ്

സാധാരണ മെയില്‍/എക്‌സ്പ്രസ്/ഫാസ്റ്റ് പാസഞ്ചര്‍ ട്രെയിനുകളില്‍ സീറ്റ് ബുക്കു ചെയ്ത് വെയിറ്റിംഗ് ലിസ്റ്റില്‍ ഉള്ളവര്‍ക്ക് പ്രീമിയം ട്രെയിനുകളില്‍ അധികച്ചെലവില്ലാതെ പോകാനുള്ള വഴിയാണിത്. ബുക്കിംഗ് സമയത്ത് വികല്പില്‍ താല്‍പര്യമുണ്ടെന്നറിയിക്കണം. രാജധാനിയിലോ ശതാബ്ദിയിലോ സീറ്റ് ഉണ്ടെങ്കില്‍ നിങ്ങള്‍ക്ക് എസ്എംഎസ് വരും. അധികച്ചെലവില്ലാതെ അതില്‍ പോകാം. തരംതാണ ട്രെയിനിലാണു സീറ്റ് കിട്ടുന്നതെങ്കില്‍ അധികചാര്‍ജ് മടക്കിത്തരികയുമില്ല. തുടക്കത്തില്‍ ഓണ്‍ലൈന്‍ ബുക്കിംഗിലേ ഇതനുവദിക്കൂ. പിന്നീട് കൗണ്ടറിലും കിട്ടും.
എസ്ബിഐയില്‍ അധിക ചാര്‍ജ്‌സ്‌റ്റേറ്റ് ബാങ്ക് ഓഫ് ഇന്ത്യ മിനിമം ബാലന്‍സ് വ്യവസ്ഥ പുനഃസ്ഥാപിക്കുന്നു. സേവിംഗ്‌സ് ബാങ്കില്‍ മിനിമം തുക ബാലന്‍സില്ലെങ്കില്‍ 20 രൂപ മുതല്‍ 100 രൂപ വരെ പിഴ. കറന്റ് അക്കൗണ്ടില്‍ പിഴ 500 രൂപയാകും. മറ്റു ഫീസുകളും കൂടും. എടിഎം ഇടപാടുകള്‍ക്കു ചാര്‍ജ് വരും. 25000 രൂപ ബാലന്‍സുള്ളവര്‍ക്കു ക്രെഡിറ്റ് കാര്‍ഡ് ആവശ്യപ്പെടാതെ തന്നെ നല്‍കും.