ഇന്ത്യ-പാക് ബന്ധം വഷളാകുന്നു: മുന് ഇന്ത്യന് നാവികസേനാ ഓഫീസര്ക്ക് പാക്കിസ്ഥാനില് വധശിക്ഷ; രൂക്ഷ പ്രതികരണവുമായി ഇന്ത്യ
ഇന്ത്യന് നാവികസേനയില്നിന്നു കമാന്ഡറായി റിട്ടയര് ചെയ്ത കുല്ഭൂഷണ് ജാദവിനെ ചാരവൃത്തിക്കുറ്റം ചുമത്തി പാക് പട്ടാളക്കോടതി വധശിക്ഷയ്ക്കു വിധിച്ചു. പാക് നടപടി കൊലപാതകശ്രമമാണെന്ന് ഇന്ത്യ വിമര്ശിച്ചു. കഴിഞ്ഞവര്ഷം മാര്ച്ചില് പാക് പ്രവിശ്യയായ ബലൂചിസ്ഥാനിലെ മഷ്കലില്നിന്നാണ് ജാദ വിനെ പാക്കിസ്ഥാന് പിടികൂടിയത്. റിട്ടയര് ചെയ്തശേഷം ഇറാനിലെ ചബഹര് തുറമുഖപട്ടണത്തില് ചരക്കുഗതാഗത ബിസിനസ് നടത്തിവരികയായിരുന്നു 46 വയസുള്ള ഇദ്ദേഹം.
ഇന്ത്യയുടെ വിദേശചാരസംഘടനയായ റോ (റിസര്ച്ച് ആന്ഡ് അനാലിസിസ് വിംഗ്)യുടെ ഏജന്റായി ബലൂചിസ്ഥാനില് കലാപം ഉണ്ടാക്കാന് ശ്രമിക്കുകയായിരുന്നു ജാദവ് എന്നാണു പാക് ചാരസംഘടന ഐഎസ്ഐ പറയുന്നത്. മഹാരാഷ്ട ്രയിലെ സാംഗ്ളി സ്വദേശിയാണ് ജാദവ്.
പാക് ആരോപണം ഇന്ത്യ മുമ്പേ തള്ളിക്കളഞ്ഞതാണ്. ജാദവിനെ രഹസ്യമായി ഒരു വിചാരണ പ്രഹസനം നടത്തി വധശിക്ഷയ്ക്കു വിധിച്ചതിനെ ഇന്ത്യ ശക്തമായി അപലപിച്ചു. പാക് ഹൈക്കമ്മീഷണര് അബ്ദുള് ബാസിതിനെ വിളിച്ചുവരുത്തി വിദേശകാര്യസെക്രട്ടറി എസ്. ജയശങ്കര് കടുത്തഭാഷയിലുള്ള ഡീമാര്ഷെ (പ്രതിഷേധക്കത്ത്) നല്കി. വധശിക്ഷ നടപ്പാക്കിയാല് അതു 'മുന്നിശ്ചയപ്രകാരമുള്ള കൊലപാതകം'' ആയി ഇന്ത്യ പരിഗണിക്കുമെന്ന് കത്തില് മുന്നറിയിപ്പു നല്കി. നീതിന്യായത്തിന്റെ അടിസ്ഥാനമര്യാദകളൊന്നും പാലിക്കാത്തതാണു പാക് നടപടി എന്ന് ഇന്ത്യ വിമര്ശിച്ചു. 13 പാക് തടവുകാരെ ഈ മാസം തിരിച്ചയയ്ക്കാനുള്ള നടപടി ഇന്ത്യ പ്രതിഷേധസൂചകമായി നിര്ത്തിവച്ചു. ശിക്ഷാകാലാവധി കഴിഞ്ഞവരാണിവര്.
ജാദവിനെ വിചാരണ ചെയ്യുന്നതും വധശിക്ഷ വിധിച്ചതും ഇന്ത്യന് ഹൈക്കമ്മീഷനെ അറിയിക്കാനുള്ള സാമാന്യ മര്യാദപോലും പാക്കിസ്ഥാന് കാണിച്ചില്ല. ജാദവ് പിടിയിലായശേഷമുള്ള 13 മാസത്തിനിടെ ഇന്ത്യന് നയതന്ത്രസഹായം അനുവദിക്കാന് ആവശ്യപ്പെട്ട് 13 തവണ ഇന്ത്യ പാക്കിസ്ഥാനു കത്തുനല്കി. അന്താരാഷ്ട്ര നിയമപ്രകാരം അനുവദിക്കേണ്ടതാണ് ഇതെങ്കിലും പാക്കിസ്ഥാന് സമ്മതിച്ചില്ല.
ചാരന്മാരെ സൈന്യത്തിനു സൈനിക നിയമപ്രകാരം വിചാരണ ചെയ്യാമെന്നാണു മുന് പാക് പട്ടാള ഭരണാധികാരി പര്വേസ് മുഷാറഫ് ഇന്നലെ പറഞ്ഞത്. പട്ടാളക്കോടതിയുടെ വിചാരണയില് മതിയായ നിയമസഹായം നല്കിയെന്ന് സൈനിക പബ്ലിക് റിലേഷന്സ് വിഭാഗം പത്രക്കുറിപ്പില് അറിയിച്ചു. നാലാം തീയതി പട്ടാളക്കോടതി വിധിച്ച വധശിക്ഷ പട്ടാളമേധാവി ജനറല് ഖമര് ജാവേദ് ബാജ്വ ഇന്നലെ സ്ഥിരീകരിച്ചു.
ജാദവിന്റെ വധശിക്ഷ സരബ്ജിത് സിംഗിന്റെ വധശിക്ഷയെപ്പറ്റിയുള്ള ഓര്മകള് ഉണര്ത്തുന്നതായി. ചാരക്കുറ്റം ചുമത്തപ്പെട്ട് 22 വര്ഷം പാക് ജയിലില് കഴിഞ്ഞ സരബ്ജിത് സിംഗിനും വധശിക്ഷ വിധിച്ചിരുന്നു. അയാളെ വിട്ടുതരാനുള്ള ഇന്ത്യന് അഭ്യര്ഥന പാക്കിസ്ഥാന് നിരസിച്ചു. 2013ല് ലാഹോറിലെ ജയിലില് സഹതടവുകാരുടെ മര്ദനമേറ്റ് സിംഗ് മരിച്ചു.
https://www.facebook.com/Malayalivartha
