പശുക്കള് അമിതമായി ചത്തൊടുങ്ങുന്നതിന്റെ ഭാഗമായി മധ്യപ്രദേശില് പ്ലാസ്റ്റിക്ക് ബാഗുകള് നിരോധിക്കുന്നു
പശുക്കള് അമിതമായി ചത്തൊടുങ്ങുന്നത് കണക്കിലെടുത്ത് മധ്യപ്രദേശില് പ്ലാസ്റ്റിക്ക് പോളിത്തീന് ബാഗുകള് നിരോധിക്കുന്നു. മെയ് ഒന്നിന് ശേഷമാണ് നിരോധനം സംസ്ഥാനത്ത് നിലവില് വരിക.
ജനുവരി ഒന്നു മുതല് സംസ്ഥാനത്തെ പ്രധാന വിനോദ സഞ്ചാര പ്രദേശങ്ങളില് നിന്നും പ്ലാസ്റ്റിക്ക് നിരോധിക്കാന് സര്ക്കാര് പദ്ധതിയിട്ടിരുന്നു. പിന്നീട് വര്ദ്ധിച്ചുവരുന്ന പശുക്കളുടെ മരണമാണ് സംസ്ഥാനത്ത് മുഴുവനും ഇത്തരത്തില് നിരോധനം കൊണ്ടുവരാന് ശിവാരാജ് സിങ് ചൗഹാന് സര്ക്കാര് പദ്ധതിയിട്ടത്.
കഴിഞ്ഞ റിപ്പബ്ലിക്ക് ദിനത്തില് പരേഡിനെ അഭിസംബോധന ചെയ്യുമ്പോഴാണ് ഇത്തരം പദ്ധതി മുന്നോട്ട് വച്ചത്. നിരോധനം പശുക്കളുടെ ജീവന് നിലനിര്ത്താന് സാധിക്കുമെന്നാണ് കരുതുന്നത്. ദേശീയ ഹരിത െ്രെടബ്യൂണലിന്റെ നിര്ദ്ദേശവും ഉണ്ടായിരുന്നു. കന്നുകാലികള്ക്ക് പുറമെ ഇത് പരിസ്ഥിതിക്കും ഇത് വലിയ നാശനഷ്ടമാണ് എന്നും അദ്ദേഹം പറഞ്ഞു.
നവംബര് 2013ല് മധ്യപ്രദേശ്, രാജസ്ഥാന്, ഛത്തീസ്ഗണ്ഡ് എന്നീ സംസ്ഥാനങ്ങളില് പ്ലാസ്റ്റിക്കിന്റെ ഉപഭോഗം കുറയ്്ക്കണമെന്ന് നിര്ദ്ദേശം നല്കിയിരുന്നു. അതതിന് പ്രകാരം ആറുമാസത്തേക്ക് ഈ നിയമം നിലവില് വന്നിരുന്നു. ഇതോടെ സംസ്ഥാനത്തെ നഗരങ്ങള് വൃത്തിയാകുമെന്ന് കരുതുന്നുവെന്ന് ശിവരാജ് സിങ്ങ് ചൗഹാന് അഭിപ്രായപ്പെട്ടു
https://www.facebook.com/Malayalivartha
