മോഡി രണ്ടും കല്പ്പിച്ചു തന്നെ: വരുന്നു വളര്ത്തുമൃഗങ്ങള്ക്കും തിരിച്ചറിയല് നമ്പര്
സംസ്ഥാനത്തെ വളര്ത്തുമൃഗങ്ങള്ക്ക് 12 അക്ക തിരിച്ചറിയില് നമ്പര് വരുന്നു എന്ന് റിപ്പോര്ട്ട് ചെയ്യുന്നു. പശു, കാള, പോത്ത്, പന്നി, ആട്, വളര്ത്തുനായ എന്നിവയ്ക്കാണ് നമ്പര് നല്കുക. തിരിച്ചറിയില് നമ്പര് ഉടമയുടെ ആധാര് നമ്പറുമായി ബന്ധിപ്പിക്കും. വളര്ത്തുമൃഗങ്ങളെയും ഉടമകളെയും സംബന്ധിച്ച കൃത്യമായവിവരശേഖരം ഉണ്ടാക്കുകയെന്ന ലക്ഷ്യത്തോടെ മൃഗസംരക്ഷണവകുപ്പാണ് പദ്ധതി നടപ്പാക്കുന്നത്.
മൃഗസംരക്ഷണപ്രവര്ത്തനങ്ങളുമായി ബന്ധപ്പെട്ട് കര്ഷകന് ലഭിക്കുന്ന ആനുകൂല്യവിവരങ്ങളും ഇതോടെ വകുപ്പിന് നിരീക്ഷിക്കാനാകും. വളര്ത്തുമൃഗങ്ങളെ വില്ക്കുകയോ കൈമാറ്റംചെയ്യുകയോ ചെയ്താല് ആ വിവരം മൃഗസംരക്ഷണവകുപ്പ് ഉദ്യോഗസ്ഥരെ അറിയിക്കണം. വകുപ്പ് ഉദ്യോഗസ്ഥര് ഉടമസ്ഥാവകാശം മാറ്റിനല്കും.
അടുത്തമാസം ആരംഭിക്കുന്ന കന്നുകാലി സെന്സസിലൂടെയാണ് വിവരശേഖരണം. ലൈവ്സ്റ്റോക്ക് ഇന്സ്്പെക്ടര്മാരാണ് സെന്സസിന്റെ ഭാഗമായി കര്ഷകരുടെ വീടുകളിലെത്തി വിവരം ശേഖരിക്കുക. ഇതിനായി 2000 ഉദ്യോഗസ്ഥര്ക്ക് പരിശീലനം നല്കി. വിവര ശേഖരണത്തിനായി 1248 ടാബുകള് ഉദ്യോഗസ്ഥര്ക്ക് നല്കി. പ്രത്യേകം തയ്യാറാക്കിയ സോഫ്റ്റ്വയര് ഉപയോഗിച്ച് ഇതില് കന്നുകാലികളുടെ ഫോട്ടോ ഉള്പ്പെടെയുള്ള വിവരം ശേഖരിക്കും. തുടര്ന്ന് ഇന്റര്നെറ്റ് സംവിധാനത്തിലൂടെ ജ്യോഗ്രഫിക്കല് ഇന്ഡിക്കേഷന് ഉപയോഗിച്ച് കര്ഷകന്റെ വീടും അവിടേക്കുള്ള വഴിയും രേഖപ്പെടുത്തും.
കന്നുകാലികള്ക്കോ, താറാവ്, കോഴി എന്നിവ പോലെയുള്ളവയ്ക്കോ പകര്ച്ചവ്യാധിയുണ്ടായാല് അത് തടയാന് പ്രദേശാടിസ്ഥാനത്തിലുള്ള വിവരങ്ങള് ഉപയോഗപ്പെടുത്തും. പരിസരത്തെ മറ്റ് മൃഗങ്ങള്ക്കും സുരക്ഷാ വാക്സിന് നല്കാനാവും. രോഗംബാധിച്ച വളര്ത്തുമൃഗത്തിന്റെ യു.ഐ.ഡി. നമ്പര് സോഫ്റ്റ്വയറില് നല്കുമ്പോള് അഞ്ച് കിലോമീറ്റര് ചുറ്റളവിലെ മറ്റുകര്ഷകരുടെയും വിവരം ലഭിക്കും.
https://www.facebook.com/Malayalivartha
