പശുവിനെ കൊല്ലുന്നതും വില്പ്പന നടത്തുന്നതും ഗുണ്ടാ നിയമ പ്രകാരം കുറ്റകൃത്യമാണെന്ന് ഉത്തര്പ്രദേശ്
ഗോവധവും കശാപ്പിനുവേണ്ടിയുള്ള കന്നുകാലി കടത്തലും ദേശീയ സുരക്ഷാ നിയമം, ഗുണ്ടാനിയമം എന്നിവ പ്രകാരം കുറ്റകൃത്യമാണെന്ന് ഉത്തര്പ്രദേശ് പോലീസിന്റെ മുന്നറിയിപ്പ്. പാല് തരുന്ന മൃഗങ്ങളെ അനധികൃതമായി കടത്തുന്നവര്ക്കെതിരെയും കര്ശന നടപടി വേണമെന്ന് നിര്ദ്ദേശമുണ്ട്.
ഉത്തര്പ്രദേശില് നേരത്തെ തന്നെ ഗോവധ നിരോധനനിയമം നിലവിലുണ്ടെങ്കിലും കര്ശനമായി നടപ്പാക്കിയിരുന്നില്ല. അനധികൃത അറവ് ശാലകള് പൂട്ടിക്കാനുള്ള സംസ്ഥാന തീരുമാനത്തിനും കശാപ്പിനായുള്ള കന്നുകാലി വില്പ്പന നിയന്ത്രിക്കാനുള്ള കേന്ദ്ര വിജ്ഞാപനത്തിനും പിറകെയാണ് പശുവനെ കൊല്ലുന്നവര്ക്കെതിരെ കടുത്ത കുറ്റങ്ങള് ചുമത്താനുള്ള നിര്ദ്ദേശം.
ദേശീയ സുരക്ഷാ നിയമവും ഗുണ്ടാ നിയമവും പ്രകാരം കുറ്റം ചുമത്തണമെന്നാണ് ഡി ജി പി സുല്ഖാന് സിങ്ങ് പോലീസ് ഉദ്യാഗസ്ഥര്ക്ക് അയച്ച കത്തില് നിര്ദ്ദേശിക്കുന്നത്. പാല് തരുന്ന മൃഗങ്ങളെ അനധികൃതമായി കടത്തി കൊണ്ടുപോകുന്നവര്ക്കെതിരെയും ശക്തമായ നടപടി സ്വീകരിക്കണം.
ഗുണ്ടാ നിയമ പ്രകാരം അറസ്റ്റിലാകുന്നവര് സംസ്ഥാന പോലീസിന്റെ ഗുണ്ടാ ലിസ്റ്റില്പ്പെടും. സാധാരണ കുറ്റം ചുമത്തുമ്പോള് 14 ദിവസം കസ്റ്റഡിയില് ലഭിക്കുന്നയിടത്ത് ഗുണ്ടാ നിയമമാണെങ്കില് 60 ദിവസം വരെ ലഭിക്കും. ജില്ലാ പോലീസ് ഉദ്യാഗസ്ഥര്ക്കാണ് പുതിയ നിര്ദ്ദേശങ്ങള് നടപ്പാക്കുന്നതിന്റെ പൂര്ണ്ണ ഉത്തരവാദിത്തം.
ഗോസംരക്ഷണമെന്ന പേരില് നിയമം കയ്യിലെടുക്കുന്നവരെയും സാധാചാര ഗുണ്ടകളെയും നിയന്ത്രിക്കാനും ഡിജെപിയുടെ ഉത്തരവില് പറയുന്നുണ്ട് ഇവര്ക്കെതിരെ എഫ് ഐ ആര് രെജിസ്റ്റര് ചെയ്യാനും നിര്ദേശിച്ചിട്ടുണ്ട് .
https://www.facebook.com/Malayalivartha
