കേന്ദ്രസര്‍ക്കാരിന്റെ ബീഫ് നിരോധനത്തെ ചോദ്യം ചെയ്തുള്ള ഹര്‍ജികള്‍ ജൂണ്‍ 15ന് പരിഗണിക്കുമെന്ന് സുപ്രീം കോടതി. കന്നുകാലികളെ വാങ്ങുന്നതും വില്‍ക്കുന്നതും വിലക്കിക്കൊണ്ടുള്ള കേന്ദ്രസര്‍ക്കാരിന്റെ വിജ്ഞാപനത്തിനെതിരെ രാജ്യത്തിന്റെ വിവിധ ഭാഗങ്ങളില്‍ നിന്ന് എതിര്‍പ്പ് ശക്തമാകുന്നതിനിടെയാണ് സുപ്രീം കോടതി ഹര്‍ജി പരിഗണിക്കുന്നത്. ഹൈദരാബാദ് കേന്ദ്രമാക്കി പ്രവര്‍ത്തിയ്ക്കുന്ന ഒരു സംഘടനയാണ് ഹര്‍ജിയുമായി സുപ്രീം കോടതിയെ സമീപിച്ചിട്ടുള്ളത്.

കേന്ദ്രത്തിന്റെ കന്നുകാലി നയം സംബന്ധിച്ച വിജ്ഞാപനം സംസ്ഥാനങ്ങളു ടെ അധികാരത്തിലുള്ള കൈകടത്തലാണെന്ന ആരോപണവുമായി പശ്ചിമ ബംഗാള്‍ മുഖ്യമന്ത്രി മമതാ ബാനര്‍ജി രംഗത്തെത്തിയിരുന്നു. കേരള മുഖ്യമന്ത്രി പിണറായി വിജയനും കേന്ദ്രത്തിന്റെ വിജ്ഞാപനത്തിനെതിരെ രംഗത്തിയിരുന്നു. മൃഗങ്ങള്‍ക്കെതിരെയുള്ള ക്രൂരത തടയുന്നതിന്റെ ഭാഗമായാണ് കേന്ദ്രം വിജ്ഞാപനം പുറത്തിറക്കിയത്.