യച്ചൂരിക്കു രാജ്യസഭാ സീറ്റ്: കേരള ഘടകം എതിര്ത്തു പിബിയില് തീരുമാനമായില്ല
രാജ്യസഭാ സ്ഥാനാര്ഥിയായി പാര്ട്ടി ജനറല് സെക്രട്ടറി സീതാറാം യച്ചൂരിയെ വീണ്ടും ആയക്കണമെന്ന ബംഗാള് ഘടകത്തിന്റെ ആവശ്യത്തില് സിപിഎം പൊളിറ്റ് ബ്യൂറോയില് തീരുമാനമായില്ല. സ്ഥാനാര്ഥിത്വം സംബന്ധിച്ച ആശയക്കുഴപ്പം തുടരുന്നതിനാല് വിഷയം കേന്ദ്ര കമ്മിറ്റിയുടെ (സിസി) പരിഗണനയ്ക്ക് വിട്ടു. 23 മുതലാണ് കേന്ദ്രകമ്മിറ്റിയോഗം. യച്ചൂരി മല്സരിക്കുന്നതിനെ കേരള ഘടകം ഇന്നും പിബിയില് ശക്തമായി എതിര്ത്തു.
കോണ്ഗ്രസുമായി തിരഞ്ഞെടുപ്പ് ഇടപാടുകള് പാടില്ലെന്ന പാര്ട്ടി കോണ്ഗ്രസ് നിലപാടില് ഉറച്ചുനില്ക്കണമെന്നു കേരള ഘടകം പരസ്യ നിലപാടെടുത്തതു കാരാട്ട് പക്ഷത്തിനു ബലമായി.എന്നാല് രാജ്യത്തെ രാഷ്ട്രീയ സാഹചര്യം കണക്കിലെടുക്കുമ്പോള് യച്ചൂരി പാര്ലമെന്റില് തുടരേണ്ടത് അനിവാര്യമെന്നു വ്യക്തമാക്കി മറ്റു ചില സംസ്ഥാന ഘടകങ്ങളും സിസിയിലെ ചില അംഗങ്ങളും പിബിക്കു കത്തു നല്കിയിരിക്കുകയാണ്.
ആകെ 31 എംഎല്എമാരുള്ള ഇടതിന് തനിച്ചു സ്ഥാനാര്ഥിയെ ജയിപ്പിക്കാനാവില്ല. എന്നാല്, കോണ്ഗ്രസിന്റെ എട്ടു പേര് ഭിന്നിച്ചുനില്ക്കുന്നതിനാല് അവര്ക്കു തനിച്ചും സ്ഥാനാര്ഥിയെ ജയിപ്പിക്കാനാവാത്ത സാഹചര്യമാണ്. യച്ചൂരിയാണ് ഇടതു സ്ഥാനാര്ഥിയെങ്കില് തങ്ങള് മല്സരിക്കില്ലെന്നും യച്ചൂരിയെ പിന്തുണയ്ക്കുമെന്നും കോണ്ഗ്രസ് നേരത്തെ വ്യക്തമാക്കിയിട്ടുണ്ട്. ഈ അവസരം മുതലെടുക്കണമെന്നാണു ബംഗാള് ഘടകത്തിന്റെ ആവശ്യം. യച്ചൂരിയുടെ നിലവിലെ രാജ്യസഭാ കാലാവധി ഓഗസ്റ്റില് അവസാനിക്കുമ്പോള് സംസ്ഥാനത്തുനിന്നുള്ള മറ്റു രണ്ട് സിപിഎം അംഗങ്ങളില് തപന് സെന് അടുത്ത വര്ഷവും ഋതബ്രത ബാനര്ജി 2020 ലും വിരമിക്കും
യച്ചൂരിയുടേതുള്പ്പെടെ ബംഗാളില്നിന്നു രാജ്യസഭയിലേക്ക് ആറു സീറ്റുകളിലാണ് ഉടനെ ഒഴിവുവരുന്നത്. അംഗബലം മാത്രം നോക്കിയാല് തൃണമൂല് കോണ്ഗ്രസിന് അഞ്ചു പേരെയും കോണ്ഗ്രസിന് ഒരാളെയും ജയിപ്പിക്കാം.
https://www.facebook.com/Malayalivartha
