സംഘപരിവാറിന്റെ ഗുണ്ടാ ആക്രമണത്തിന് മുന്നില്‍ സി പി ഐ എമ്മും നേതാക്കളും ഭയപ്പെടില്ലെന്ന് സീതാറാം യെച്ചൂരി. ഇത്തരം ഗുണ്ടാ ആക്രമണങ്ങളിലൂടെ സി പി ഐ എമ്മിനെ നിശബ്ദരാക്കാനാക്കില്ലെന്നും യെച്ചൂരി ട്വീറ്റ് ചെയ്തു. ഇന്ത്യയുടെ ആത്മാവിന് വേണ്ടിയുള്ള പോരാട്ടം തുടരുമെന്നും അദ്ദേഹം വ്യക്തമാക്കി.
എ കെ ജി ഭവന്റെ ഗേറ്റ് ചാടിക്കടന്ന് സംഘപരിവാര്‍ പ്രവര്‍ത്തകര്‍ സിതാറാം യെച്ചൂരിക്ക് നേരെ ആക്രമണം നടത്തിയിരുന്നു. പി ബി യോഗം കഴിഞ്ഞ് വാര്‍ത്താ സമ്മേളനത്തിനായി ജനറല്‍ സെക്രട്ടറി പുറത്തിറങ്ങിയപ്പോളാണ് ആക്രമണം നടത്തിയത്. നേരത്തെ കേരള മുഖ്യമന്ത്രി പിണറായി വിജയനും സംസ്ഥാന സെക്രട്ടറി കോടിയേരി ബാലകൃഷ്ണനുമെതിരെ സംഘപരിവാര്‍ കൊലവിളി നടത്തിയിരുന്നു.
പിണറായിയുടെ തലയ്ക്ക് സംഘപരിവാര്‍ നേതാവ് ഒരു കോടി ഇനാം പ്രഖ്യാപിച്ചപ്പോള്‍ കോടിയേരി ദില്ലിയില്‍ കാലുകുത്തില്ലെന്നായിരുന്നു ഭീഷണി. സീതാറാം യെച്ചൂരിക്ക് നേരെയുണ്ടായ ആക്രമണം കൂടിയായതോടെ സംഘപരിവാറിന്റെ കൊലവിളിക്കെതിരെ പ്രതിഷേധം ശക്തമായിട്ടുണ്ട്
സിപിഎം ജനറല്‍ സെക്രട്ടറി സീതാറാം യെച്ചൂരിക്ക് നേരെ കൈയേറ്റ ശ്രമം. ദില്ലി എകെജി ഭവനില്‍ വെച്ചാണ് യെച്ചൂരിക്ക് നേരെ കൈയ്യേറ്റ ശ്രമമുണ്ടായത്.പോളിറ്റ് ബ്യൂറോ തീരുമാനങ്ങള്‍ വിശദീകരിക്കുന്നതിനായി ചേര്‍ന്ന വാര്‍ത്ത സമ്മേളനത്തിന് തൊട്ടുമുന്‍പാണ് യെച്ചൂരിക്ക് നേരെ കൈയേറ്റ ശ്രമമുണ്ടായത്. സംഭവവുമായി ബന്ധപ്പെട്ട് രണ്ട് ഹിന്ദുസേന പ്രവര്‍ത്തകരെ പൊലീസ് അറസ്റ്റ് ചെയ്തു. ആര്‍എസ്എസ് അനുകൂല മുദ്രാവാക്യം വിളിച്ചാണ് ഇവര്‍ എത്തിയത്. സിപിഎം മൂര്‍ദാബാധ് വിളികളുമായി മുദ്രാവാക്യം വിളിച്ച് രണ്ട് ഹിന്ദുസേനാ പ്രവര്‍ത്തകര്‍ എത്തിയത്
പോളിറ്റ് ബ്യൂറോ യോഗം കഴിഞ്ഞ് വാര്‍ത്തസമ്മേളനത്തിന് പങ്കെടുക്കാനായി പോകുമ്പോഴാണ് ആക്രമികളുടെ കൈയ്യേറ്റ ശ്രമം. മാധ്യമപ്രവര്‍ത്തകര്‍ എന്ന വ്യാജേനയാണ് ആക്രമികള്‍ മീഡിയ റൂമില്‍ പ്രവേശിച്ചത്. മീഡിയ റൂമില്‍ പ്രവേശിച്ച ഇവര്‍ പെടുന്നനെ യെച്ചൂരിയെ ആക്രമിക്കുകയായിരുന്നു.
പ്രതിഷേധക്കാരെ പിടിച്ചുമാറ്റാന്‍ ജീവനക്കാര്‍ ശ്രമിച്ചതോടെ പ്രതിഷേധക്കാരിലൊരാള്‍ യെച്ചൂരിയെ തള്ളിയിടുകയായിരുന്നു. പിന്നീട് പൊലീസ് എകെജി ഭവനില്‍ പ്രവേശിച്ച് പ്രതിഷേധക്കാരെ അറസ്റ്റ് ചെയ്യുകയായിരുന്നു. എന്നാല്‍ വിഷയത്തില്‍ പൊലീസിന്റെ ഔദ്യോഗിക വിശദീകരണം ലഭ്യമായിട്ടില്ല.
മുഖ്യമന്ത്രി പിണറായി വിജയനുള്‍പ്പെടെയുള്ളവര്‍ എത്തുന്നതിനാല്‍ എകെജി ഭവന് രണ്ട് ദിവസമായി കനത്ത സുരക്ഷ ഏര്‍പ്പെടുത്തിയിരുന്നു.