കാശ്മീരില് ഭീകരന് കീഴടങ്ങിയത് മരണഭയം കൊണ്ട് എന്ന് റിപ്പോര്ട്ട്
ഹിസ്ബുള് ഭീകരന് കീഴടങ്ങിയത് മരണം ഭയന്നെന്ന് റിപ്പോര്ട്ടുകള്. ജമ്മു കശ്മീരിലെ ത്രാലില് വച്ച് സുരക്ഷാ സൈന്യവുമായുള്ള ഏറ്റുമുട്ടലില് കൊല്ലപ്പെട്ട ഹിസ്ബുള് കമാന്ഡോ സബ്സര് ഭട്ടിന്റെ മരണാനന്തര ചടങ്ങില് പങ്കെടുത്ത ഡാനിഷ് അഹമ്മദാണ് ഹന്ദ്വാരാ പോലീസില് കീഴടങ്ങിയിട്ടുള്ളത്. ഹന്ദ്വാരാ സ്വദേശിയായ ഡാനിഷ് അഹമ്മദ് ഡെറാഡൂണിലെ ഡൂണ് പിജി കോളേജ് ഓഫ് അഗ്രികള്ച്ചര് സയന്സ് ആന്ഡ് ടെക്നോളജിയിലെ വിദ്യാര്ത്ഥിയാണ് ഡാനിഷെന്ന് പോലീസ് നടത്തിയ അന്വേഷണത്തില് കണ്ടെത്തിയിരുന്നു.
സബ്സര് ഭട്ടിന്റെ മരണാനന്തര ചടങ്ങിനിടെ ലോക്കല് ടിവി ചാനലുകള് പകര്ത്തിയ വീഡിയോയില് പ്രത്യക്ഷപ്പെട്ട ഡാനിഷിന്റെ ചിത്രങ്ങള് വൈറലായതിന് പിന്നാലെയാണ് പോലീസ് 22 കാരനായ യുവാവിനെക്കുറിച്ച് അന്വേഷണം ആരംഭിച്ചത്. ഗ്രനേഡ് ഉള്പ്പെടെയുള്ള ആയുധങ്ങള് കയ്യിലേന്തിയായിരുന്നു ഡാനിഷ് സബ്സറിന്റെ മരണാനന്തര ചടങ്ങിനെത്തിയത്. വീഡിയോ സോഷ്യല് മീഡിയയിലും വൈറലായിരുന്നു.
2016ല് ഹന്ദ്വാരയില് സൈന്യത്തിന് നേരെ കല്ലെറിഞ്ഞ സംഭവത്തിലും യുവാവിന് പങ്കുണ്ട്. എന്നാല് പിന്നീട് പോലീസ് കൗണ്സിലിംഗ് നല്കിയ ശേഷം പഠനത്തില് ശ്രദ്ധ കേന്ദ്രീകരിക്കുകയായിരുന്നു. ഭീകരവാദപ്രവര്ത്തനങ്ങളില് ഡാനിഷിന്റെ സാന്നിധ്യം മനസ്സിലാക്കിയ പോലീസ് കുടുംബാംഗങ്ങളെ സമീപിച്ചാണ് യുവാവിനോട് കീഴടങ്ങാന് ആവശ്യപ്പെടുന്നത്. രക്ഷിതാക്കള്ക്ക് പോലീസ് നല്കിയ ഉറപ്പിന്റെ അടിസ്ഥാനത്തിലാണ് പോലീസ്, 21 രാഷ്ട്രീയ റൈഫിള്സ് എന്നീ സേനകള്ക്ക് മുമ്പാകെ യുവാവ് കീഴടങ്ങുന്നത്. നിയമത്തിന് സത്യസന്ധമായി കൈകാര്യം ചെയ്യുമെന്നാണ് പോലീസ് നല്കിയ ഉറപ്പ്.
https://www.facebook.com/Malayalivartha
