അച്ഛന് ലൈംഗികമായി പീഡിപ്പിച്ചു; സത്യം തെളിയിക്കാന് പെണ്കുട്ടിക്ക് നേരിടേണ്ടി വന്നത് ക്രൂര പീഡനങ്ങള്
അച്ഛന് മകളെ പീഡിപ്പിച്ചെന്ന പരാതിയില് സത്യം തെളിയിക്കാന് പെണ്കുട്ടിക്ക് നേരിടേണ്ടി വന്നത് പ്രാകൃത പരീക്ഷണ രീതി. ബംഗളൂരുവില്നിന്ന് 15 കിലോമീറ്റര് അകലെയുള്ള രാജഗോപാല്നഗര് പോലീസ് സ്റ്റേഷന് പരിധിയിലാണ് പതിനാലു വയസ്സുകാരിയെ ജ്യോതിഷി പ്രാകൃത പരീക്ഷണത്തിനിരയാക്കിയത്.
ജ്യോതിഷിയുടെ സത്യം തെളിയിക്കല് രീതി ഇപ്രകാരമായിരുന്നു. മൂര്ച്ചയുള്ള ആണികള് നിരത്തിവെച്ച് അതിനുമുകളില് പെണ്കുട്ടിയുടെ കൈ അമര്ത്തും. രക്തംവന്നാല് പെണ്കുട്ടി കള്ളം പറയുകയാണെന്നും ഇല്ലെങ്കില് സത്യമാണെന്നും പറഞ്ഞാണ് പരീക്ഷണം നടത്തിയത്. സംഭവത്തില് പെണ്കുട്ടിയുടെ അച്ഛന് രമേഷിനെയും (44) കുട്ടിയുടെ അമ്മ, ബന്ധു, ജ്യോതിഷി എന്നിവരെയും പോലീസ് അറസ്റ്റുചെയ്തു.
അമ്മയെ കൊല്ലുമെന്നുപറഞ്ഞ് ഭീഷണിപ്പെടുത്തി പെണ്കുട്ടിയെ ഒരുവര്ഷമായി രമേഷ് ലൈംഗികമായി പീഡിപ്പിച്ചുവരികയായിരുന്നെന്ന് പോലീസ് പറഞ്ഞു. എന്നാല്, കഴിഞ്ഞദിവസം കുട്ടിയുടെ അമ്മ ഈ വിവരമറിഞ്ഞു. ഭര്ത്താവ് മകളുടെ ആരോപണം നിഷേധിച്ചതിനാല് അമ്മ പോലീസില് പരാതി നല്കാന് തയ്യാറാകാതെ മഗഡിയിലുള്ള ബന്ധുക്കളെ വിളിച്ചുവരുത്തി.
ബന്ധുക്കളും പെണ്കുട്ടിയുടെ ആരോപണം വിശ്വസിച്ചില്ല. ഇവരെല്ലാംകൂടി സത്യം തെളിയിക്കാനെന്നുപറഞ്ഞ് വനിതാ ജ്യോതിഷിയെ സമീപിക്കുകയായിരുന്നെന്ന് പോലീസ് പറഞ്ഞു. വേദനകാരണം പെണ്കുട്ടിയുടെ കരച്ചില് കേട്ട് സമീപത്തുണ്ടായിരുന്നവരാണ് പോലീസില് വിവരമറിയിച്ചത്.
https://www.facebook.com/Malayalivartha
