വിധവയെയും 15 കാരി മകളെയും യുവാവ് പലതവണ പീഡിപ്പിച്ചു
ഭര്ത്താവ് മരിച്ച സ്ത്രീയെയും അവരുടെ പ്രായപൂര്ത്തിയാകാത്ത മകളെയും യുവാവ് പലതവണ ബലാത്സംഗം ചെയ്തു. ആദ്യ ബലാത്സംഗം വീഡിയോയില പകര്ത്തുകയും അത് ഇന്റര്നെറ്റിലൂടെ പ്രചരിപ്പിക്കുമെന്ന് പറഞ്ഞ് ഭീഷണിപ്പെടുത്തി പല തവണ മാതാവിനെയും മകളെയും പീഡിപ്പിച്ചെന്ന് ഇയാള്ക്കെതിരേ ഇരകള് പോലീസിന് നല്കിയ പരാതിയില് വ്യക്തമാക്കിയിട്ടുണ്ട്.
ഡല്ഹിയിലെ ഗോകുല്പൂര് അമര് കോളനിയില് താമസിക്കുന്ന ആശിഷ് എന്ന യുവാവിനെയാണ് അറസ്റ്റിലായത്. പതിനഞ്ചുകാരിയായ മകളും പതിനൊന്നു കാരനായ മകനുമായി വിഷ്ണു ഗാര്ഡനില് താമസിക്കുന്ന യുവതിയും മകളുമാണ് ഇരകള്. സംഭവത്തില് ബലാത്സംഗത്തിനും കുട്ടികള്ക്കെതിരേയുള്ള ലൈംഗികാതിക്രമത്തിനും ആശിഷിനെതിരേ ഗുഡ്ഗാവ് പോലീസ് കേസെടുത്തു. 25 ദിവസം മുമ്പ് രാജേന്ദ്രപാര്ക്ക് മാര്ക്കറ്റില് വെച്ച് പരിചയപ്പെട്ട യുവതിയുമായി പ്രതി പ്രണയത്തിലാകുകയും വിലാസം കൈമാറുകയും ചെയ്തിരുന്നു.
ഇതിന് പിന്നാലെ സ്ത്രീയുടെ താമസ സ്ഥലത്ത് എത്തിയ ആശിഷ് തന്നെ ബലാത്സംഗം ചെയ്യുകയായിരുന്നെന്ന് യുവതിയുടെ പരാതിയില് പറഞ്ഞിട്ടുണ്ട്. കുട്ടികള് പുറത്ത് കളിക്കുന്ന സമയത്തായിരുന്നു ഇത്. ഭയം കാരണം സംഭവം പുറത്തു പറഞ്ഞില്ല. എന്നാല് ബലാത്സംഗ ദൃശ്യങ്ങള് വീഡിയോയില് പകര്ത്തിയ ആശിഷ് ഇത് കാണിച്ച് തുടര്ന്നുള്ള ദിവസങ്ങളിലും യുവതിയെ ഇരയാക്കി. രംഗങ്ങള് ഇന്റര്നെറ്റില് പ്രചരിപ്പിക്കുമെന്നായിരുന്നു ഭീഷണി. ഇതിനിടയില് കൗമാരക്കാരിയായ മകളെയും ഇയാള് ബലാത്സംഗത്തിന് ഇരയാക്കി.
https://www.facebook.com/Malayalivartha
