മാനസിക രോഗിയായ പ്രായപൂര്‍ത്തിയാകാത്ത പെണ്‍കുട്ടി പീഡനത്തെ തൂടര്‍ന്ന് ഗര്‍ഭിണിയായി. തുടര്‍ന്ന് ബന്ധുക്കള്‍ പഞ്ചായത്ത് നിര്‍ദ്ദേശപ്രകാരം പെണ്‍കുട്ടിയെ അബോര്‍ഷന് വിധേയയാക്കി. അതിനെത്തുടര്‍ന്നുള്ള അണുബാധയില്‍ പെണ്‍കുട്ടി മരണമടഞ്ഞു. തെലങ്കാനയിലെ ഖമ്മം ജില്ലയിലാണ് സംഭവം. ചെന്നകേശവ് എന്ന 24 കാരണാണ് പെണ്‍കുട്ടിയെ നിരവധി പ്രാവശ്യം പീഡനത്തിന് വിധേയയാക്കിയത്.

പെണ്‍കുട്ടിയുടെ മാനസികാസ്വാസ്ഥ്യം മുതലെടുത്ത് ഇയാള്‍ പീഡിപ്പിക്കുകയായിരുന്നു. പെണ്‍കുട്ടി ഗര്‍ഭിണിയായപ്പോള്‍ പഞ്ചായത്തിന്റെ മുന്നില്‍ രക്ഷിതാക്കള്‍ എത്തുകയായിരുന്നു. ഒന്നുകില്‍ ചെന്നകേശവ് പെണ്‍കുട്ടിയെ വിവാഹം കഴിക്കണം ഇല്ലെങ്കില്‍ പെണ്‍കുട്ടിക്ക് 40000 രൂപ നഷ്ടപരിഹാരവും അബോര്ഷനും നടത്തണം എന്ന് പഞ്ചായത്തു വിധിച്ചു. തുടര്‍ന്ന് ചെന്നകേശവിന്റെ മാതാവും മറ്റും ചേര്‍ന്നാണ് പെണ്‍കുട്ടിയ ആശുപത്രിയില്‍ ചേര്‍ത്തത്.

സൗകര്യങ്ങള്‍ കുറവായ ഒരു ചെറിയ െ്രെപവറ്റ് ആശുപത്രിയിലാണ് ഇവര്‍ പെണ്‍കുട്ടിയെ കൊണ്ടുപോയത്.അഞ്ചുമാസം ഗര്‍ഭിണിയായ പെണ്‍കുട്ടിക്ക് ആശുപത്രിയില്‍ അബോര്ഷന് നടത്തിയെങ്കിലും പെണ്‍കുട്ടിയുടെ നില വഷളാവുകയായിരുന്നു.തുടര്‍ന്ന് വീണ്ടും പെണ്‍കുട്ടിയെ ഖമ്മം സര്‍ക്കാര്‍ ആശുപത്രിയില്‍ എത്തിക്കുകയായിരുന്നു.

എന്നാല്‍ അനിയന്ത്രിതമായ ബ്ലീഡിങ് പെണ്‍കുട്ടിയുടെ ആരോഗ്യ നില വഷളാക്കിയിരുന്നു. അണുബാധയും കൂടിയായപ്പോള്‍ പെണ്‍കുട്ടിയെ രക്ഷിക്കാന്‍ ഇവര്‍ക്ക് സാധിച്ചില്ല. പ്രതിയുടെ മേല്‍ പോക്‌സോ നിയമപ്രകാരം കേസെടുത്തതായും പെണ്‍കുട്ടിക്ക് അബോര്ഷന് നടത്തിയ ആശുപത്രിയുടെ ലൈസന്‍സും മറ്റും നിരീക്ഷിച്ചു വരികയാണെന്നും ഖമ്മം എസ് ഐ പവന്‍കുമാര്‍ മാധ്യമങ്ങളോട് പറഞ്ഞു.