കാന്സര് രോഗിയായ വിദ്യാര്ത്ഥിനിയെ വര്ഷങ്ങളോളം അദ്ധ്യാപകര് ചേര്ന്ന് മാനഭംഗപ്പെടുത്തി
കാന്സര് രോഗിയായ പതിമ്മൂന്നുകാരിയെ എട്ട് അദ്ധ്യാപകര് ഒന്നര വര്ഷം പീഡിപ്പിച്ചു. സംഭവത്തില് പൊലീസ് കേസെടുത്ത് അന്വേഷണം തുടങ്ങി. ബിക്കാനീറിലെ സ്വകാര്യ വിദ്യാലയത്തില് 2015 ല് നടന്ന സംഭവം ഇപ്പോഴാണ് പുറത്തുവരുന്നത്. കാമറയില് പകര്ത്തിയ ദൃശ്യങ്ങള് ഉപയോഗിച്ച് അദ്ധ്യാപകര് പെണ്കുട്ടിയെ ഭീഷണിപ്പെടുത്തുകയും ഒരു വര്ഷത്തോളം പീഡനം തുടരുകയും ചെയ്തു. പെണ്കുട്ടി ഗര്ഭിണിയായപ്പോള് മരുന്നുകള് നല്കി അലസിപ്പിച്ചുവെന്നും പെണ്കുട്ടിയുടെ അച്ഛന് പൊലീസിന് നല്കിയ പരാതിയില് പറയുന്നു. ഒന്നരവര്ഷം മുമ്ബ് അര്ബുദബാധ കണ്ടെത്തിയ കുട്ടി ഇപ്പോള് ചികിത്സയിലാണ്. പെണ്കുട്ടിയെ മെഡിക്കല് പരിശോധനയ്ക്ക് വിധേയയാക്കി.
2016ലാണ് പീഡനവിവരം താനറിഞ്ഞതെന്ന് പെണ്കുട്ടിയുടെ അച്ഛന് പറയുന്നു. അവര് തന്നെയും ഭീഷണിപ്പെടുത്തി. വീട്ടില് നിന്ന് പുറത്തിറങ്ങാനോ, ആശുപത്രിയില് കഴിയുന്ന മകളെ കാണാനോ അവര് അനുവദിച്ചില്ല. ഭയന്നിട്ടാണ് ഇതുവരെ താന് പൊലീസില് പരാതിപ്പെടാതിരുന്നതെന്നും കുട്ടിയുടെ അച്ഛന് പറഞ്ഞു. പോക്സോ നിയമപ്രകാരം എട്ട് അദ്ധ്യാപകര്ക്കുമെതിരെ പൊലീസ് കേസെടുത്തിട്ടുണ്ട്.
https://www.facebook.com/Malayalivartha
