കടം എഴുതിത്തള്ളണമെന്നാവശ്യപ്പെട്ട് കര്‍ഷക പ്രക്ഷോഭം തുടരുന്നതിനിടെ മധ്യപ്രദേശില്‍ ഒരു കര്‍ഷകന്‍ കൂടി ആത്മഹത്യ ചെയ്തു. ഹോഷങ്കാബാദ് ജില്ലയിലെ ബബായി സ്വദേശിയായ നര്‍മദ പ്രസാദാണ് ആത്മഹത്യ ചെയ്തത്.
മേഖലയില്‍ ഏഴു ദിവസത്തിനിടെ ഉണ്ടായ ഏഴാമത്ത ആത്മഹത്യയാണിത്. പ്രദേശിക പലിശക്കാരില്‍ നിന്നുണ്ടായ സമ്മര്‍ദ്ദമാണ് ആത്മഹത്യയില്‍ കലാശിച്ചതെന്ന് എ.എന്‍.ഐ റിപ്പോര്‍ട്ട് ചെയ്തു.

കാര്‍ഷിക കടം എഴുതിത്തള്ളണമെന്നും ഉത്പന്നങ്ങള്‍ക്ക് താങ്ങു വില നിശ്ചയിക്കണമന്നും ആവശ്യപ്പെട്ട് മധ്യപ്രദേശില്‍ ജൂണ്‍ ഒന്നു മുതല്‍ കര്‍ഷക പ്രക്ഷോഭം നടക്കുകയാണ്.
ജൂണ്‍ ആറിന് പ്രക്ഷോഭകര്‍ക്ക് നേരെയുണ്ടായ പൊലീസ് വെടിവെപ്പില്‍ ആറു കര്‍ഷകര്‍ കൊല്ലപ്പെട്ടു. അതോടെയാണ് പ്രക്ഷോഭത്തിന് ദേശീയ ശ്രദ്ധ ലഭിച്ചത്.