ഏഴാം ശമ്പളക്കമ്മിഷന്റെ ഭാഗമായി കേന്ദ്ര ജീവനക്കാര്‍ക്ക് നല്‍കാനുണ്ടായിരുന്ന വീട്ട് വാടക, യൂണിഫോം, മെഡിക്കല്‍ അലവന്‍സുകള്‍ അടുത്തമാസം ഒന്നുമുതല്‍ ലഭിക്കും. സിയാച്ചിനിലേടതടക്കമുള്ള സൈനികരുടെയും റെയില്‍വേ ജീവനക്കാര്‍, നഴ്‌സുമാര്‍, ശാസ്ത്ര സാങ്കേതിക വകുപ്പുകളിലെ ജീവനക്കാര്‍ എന്നിവരുടെയും അലവന്‍സുകളില്‍ വന്‍ വര്‍ദ്ധനയുണ്ട്. 47ലക്ഷം കേന്ദ്ര ജീവനക്കാര്‍ക്ക് തീരുമാനം പ്രയോജനപ്പെടും.

ജസ്റ്റിസ് എ.കെ. മാഥൂര്‍ അദ്ധ്യക്ഷനായ ഏഴാം ശമ്പളക്കമ്മിഷന്റെ ശുപാര്‍ശകളില്‍ അടിസ്ഥാന ശമ്പളം, പെന്‍ഷന്‍ എന്നിവ വര്‍ദ്ധിപ്പിച്ചെങ്കിലും അലവന്‍സുകള്‍ നിശ്ചയിച്ചിരുന്നില്ല. 53 അലവന്‍സുകള്‍ ഇല്ലാതാക്കാനും 37എണ്ണം ലയിപ്പിനാക്കാനും ശുപാര്‍ശ ചെയ്തതത് എതിര്‍പ്പിനിടയാക്കിയിരുന്നു. തുടര്‍ന്ന് അലവന്‍സുകള്‍ പുനര്‍നിര്‍ണയിക്കാന്‍ ധനസെക്രട്ടറി അദ്ധ്യക്ഷനായ കമ്മിറ്റിയെ നിയോഗിച്ചു. ഈ കമ്മിറ്റിയുടെ ശുപാര്‍ശയാണ് കേന്ദ്രമന്ത്രിസഭ ഇന്നലെ അംഗീകരിച്ചത്.

പല അലവന്‍സുകളും നിലനിറുത്തി. യാത്രാ ബത്തയില്‍ മാറ്റമില്ല. റിസ്‌ക് അലവന്‍സുകളും മറ്റും സ്‌ളാബ് അടിസ്ഥാനത്തിലാക്കി. അലവന്‍സുകളും കൂടി ഉള്‍പ്പെടുത്തി ഏഴാം ശമ്പള കമ്മിഷന്‍ നടപ്പാക്കുമ്പോള്‍ സര്‍ക്കാരിനുള്ള ബാദ്ധ്യത പ്രതിവര്‍ഷം 30748.23 കോടി രൂപയാകും.
ശുപാര്‍ശകള്‍(ബ്രാക്കറ്റില്‍ നിലവിലെ തുക):
50ലക്ഷത്തിന് മുകളില്‍ ജനസംഖ്യയുള്ള നഗരത്തില്‍ വീട്ടുവാടക 24%. (കുറഞ്ഞ വാടക 5400 രൂപ),
അഞ്ചു ലക്ഷം മുതല്‍ 50ലക്ഷം വരെ 16%, (കുറഞ്ഞ തുക 3600 രൂപ), അഞ്ചുലക്ഷത്തിന് താഴെ 8%, (കുറഞ്ഞ തുക 1800രൂപ )
വീട്ടുവാടക ഡി.എ 25% കവിയുമ്പോള്‍ 27%, 18% 9% എന്നായും 50% ശതമാനം കവിയുമ്പോള്‍ 30%, 20% , 10%എന്നായും മാറും.
സിയാച്ചിന്‍ അലവന്‍സ്: ജവാന്‍മാര്‍ക്കും ജെ.സി.ഒമാര്‍ക്കും 30,000രൂപയാക്കി (ഇപ്പോള്‍14,000 രൂ. ) ഓഫീസര്‍മാര്‍ക്ക് 21,000രൂപയില്‍ നിന്ന് 42,000രൂപയാകും
ഡ്രസ് അലവന്‍സ്: 5000, 10,000, 15,000, 20,000 എന്നീ സ്‌ളാബുകളില്‍. നഴ്‌സുമാര്‍ക്ക് മാസം തോറും ലഭിക്കും. എസ്.പി.ജി ഉദ്യോഗസ്ഥര്‍ക്ക് കമ്മിഷന്‍ ശുപാര്‍ശയെക്കാളും കൂടിയ അലവന്‍സ്.
ടഫ് ലൊക്കേഷന്‍ അലവന്‍സ്: മാട്രിക്‌സ് അനുസരിച്ച് 1000-5300രൂപ.