ബൊഫേഴ്സ് കേസ് ഒക്ടോബറില് പരിഗണിക്കുമെന്ന് സുപ്രീം കോടതി
ബൊഫേഴ്സ് കേസ് ഒക്ടോബര് രണ്ടാംവാരം പരിഗണിക്കുമെന്ന് സുപ്രീം കോടതി. ചീഫ് ജസ്റ്റിസ് ദീപക് മിശ്ര അധ്യക്ഷനായ ബെഞ്ചാണ് കേസ് ഒക്ടോബറില് പരിഗണിക്കാന് തീരുമാനിച്ചത്. ബി.ജെ.പി നേതാവും അഭിഭാഷകനുമായ അജയ് കുമാര് അഗര്വാളിന്റെ ഹര്ജിയിലാണ് തീരുമാനം.
യുറോപ്പ് ആസ്ഥാനമായി പ്രവര്ത്തിക്കുന്ന ഹിന്ദുജ ബ്രദേഴ്സിനെതിരെയുള്ള എല്ലാ കുറ്റങ്ങളും റദ്ദാക്കിയ ഡല്ഹി ഹൈകോടതി വിധിക്കെതിരെ നല്കിയ അപ്പീല് ഹരജി ദീര്ഘകാലമായി പെന്റിങ്ങിലാണെന്നും അടിയന്തിരമായി പരിഗണിക്കണമെന്നുമായിരുന്നു ഹര്ജിയിലെ ആവശ്യം.
ഒക്ടോബര് എട്ടു മുതല് കേസ് പരിഗണിക്കാമെന്നാണ് ചീഫ് ഒസ്റ്റിസ് അധ്യക്ഷനായ ബെഞ്ച് അറിയിച്ചത്. ഡല്ഹി ഹൈകോടതി 2005 മെയ് 31ന് പുറപ്പെടുവിച്ച വിധിക്കെതിരെ 2005 ഒക്ടോബര് 18നു സുപ്രീംകോടതിയില് അപ്പീല് നല്കിയിരുന്നു.
ബോഫേഴ്സ് അഴിമതി 2006 വരെ തുടര്ന്നിട്ടുണ്ട്. ഇടപാടിലെ ഇടനിലക്കാരന് ഇറ്റാലിയന് ബിസിനസുകാരന് ഒട്ടോവിയോ ക്വത്റോച്ചിയുടെ ലണ്ടനിലെ മരവിപ്പിച്ച രണ്ട് അക്കൗണ്ടുകള് സജീവമായതോടെയാണ് അഴിമതി തുടര്ന്നത് എന്നും സ്വീഡിഷ് അന്വേഷണോദ്യോഗസ്ഥന് ജൂലൈ 28ന് ഇന്ത്യന് എന്ഫോഴ്സ്മെന്റ് ഡയറക്ടറേറ്റിന് നല്കിയ കത്തില് പറഞ്ഞിരുന്നു. ഇതേ തുടര്ന്ന് കേസ് തുടരന്വേഷിക്കണമെന്ന ആവശ്യം പാര്ലമെന്റില് ഉയര്ന്നിരുന്നു.
1986 മാര്ച്ച് 24 നാണ് സ്വീഡിഷ് ആയുധക്കമ്പനിയായ എ.ബി ബോഫേഴ്സില് നിന്ന് ഇന്ത്യന് സൈന്യം ആയുധങ്ങള് വാങ്ങുന്നത്. 1437 കോടി രൂപയുടെ കരാറായിരുന്നു ഇത്. ആയുധം വില്ക്കുന്നതിന് ഇന്ത്യയിലെ രാഷ്ട്രീയ നേതാക്കള്ക്കും സൈനിക ഉദ്യോഗസ്ഥര്ക്കും കമ്പനി വന് തുക കൈക്കൂലി നല്കിയെന്ന് 1987 ഏപ്രില് 16ന് സ്വീഡിഷ് റേഡിയോ ആണ് ആദ്യം പുറത്തു വിടുന്നത്.
https://www.facebook.com/Malayalivartha