ആ പെണ്‍കുട്ടി പ്രതീക്ഷിച്ചില്ല ട്രെയിനില്‍ കയറിയാല്‍ ഇങ്ങനെയുണ്ടാകുമെന്ന്.അപ്രതീക്ഷിതമായാണ് ആ ചെറുപ്പക്കാരന്‍ വനിത കമ്പാര്‍ട്ട്‌മെന്റില്‍ കയറിയത്. പിന്നീടുണ്ടായത് പലരെയും ഞെട്ടിപ്പിക്കും.പീഡന ശ്രമത്തില്‍ നിന്ന് രക്ഷപ്പെടുന്നതിനായി പതിനാലുകാരി ഓടുന്ന ട്രെയിനില്‍ നിന്ന് ചാടി.

ഞായറാഴ്ച രാവിലെയാണ് സംഭവം. ഇതില്‍ നിന്ന് രക്ഷപ്പെടാനാണ് കുട്ടി ചാടിയത്.കുട്ടിയുടെ കാലിനും തലയ്ക്കും പരുക്കേറ്റു. ഒറ്റയ്ക്കാണ് 14കാരി യാത്ര ചെയ്തത്. പീഡനം ശ്രമം തടയാനായി ട്രെയിന്‍ നിര്‍ത്താന്‍ ചങ്ങല പിടിച്ച് വലിച്ചെങ്കിലും ഇത് പ്രവര്‍ത്തിച്ചില്ല. ഇതോടെ ഭയന്നു പോയ കുട്ടി ട്രെയിനില്‍ നിന്ന് ചാടുകയായിരുന്നു.

ട്രെയിനില്‍ കയറിയപ്പോള്‍ ലേഡീസ് കമ്പാര്‍ട്ട്‌മെന്റില്‍ ആരും ഉണ്ടായിരുന്നില്ലെന്ന് പെണ്‍കുട്ടി പറയുന്നു. ട്രെയിന്‍ യാത്ര ആരംഭിച്ചപ്പോള്‍ പിങ്ക് ടീ ഷര്‍ട്ട് ധരിച്ച ആള്‍ കമ്പാര്‍ട്ട്‌മെന്റില്‍ കയറിയെന്നും എന്നാല്‍ ഇത് ലേഡീസ് കമ്പാര്‍ട്ട്‌മെന്റ് ആണെന്ന് അറിയിച്ചപ്പോള്‍ പോകാന്‍ തയ്യാറാകാതെ തന്റെ അടുത്തേക്ക് വരികയായിരുന്നുവെന്നും പെണ്‍കുട്ടി പറയുന്നു.

ഭയന്നു പോയതോടെ ചങ്ങല വലിച്ച് ട്രെയിന്‍ നിര്‍ത്താന്‍ ശ്രമിച്ചുവെന്നും എന്നാല്‍ തന്റെ സര്‍വ ശക്തിയെടുത്ത് വലിച്ചിട്ടും ചങ്ങല പ്രവര്‍ത്തിച്ചില്ലെന്ന് പെണ്‍കുട്ടി. ഇതോടെ സഹായത്തിന് ആരുമില്ലെന്ന് മനസിലാക്കിയതോടെ ഭയന്നുപോയെന്നും ഇതോടെയാണ് ചാടിയതെന്നും പെണ്‍കുട്ടി പറയുന്നു.

ട്രെയിനിന്റെ വാതിലിനടുത്തേക്ക് ചെന്നപ്പോള്‍ ട്രെയിന്‍ ഛത്രപതി ശിവജി ടെര്‍മിനലിന്റെ പ്ലാറ്റ്‌ഫോമിലേക്ക് കയറിയിരുന്നുവെന്നും ചില ജീവനക്കാര്‍ ട്രാക്കില്‍ ജോലി ചെയ്യുന്നത് കണ്ടുവെന്നും അങ്ങനെയാണ് ചാടിയതെന്നും പോണ്‍കുട്ടി പോലീസിനോട് പറഞ്ഞു.പരുക്കുകളോടെ കുട്ടി രക്ഷപ്പെട്ടിരുന്നു. പെണ്‍കുട്ടിയെ ഉടന്‍ തന്നെ അടുത്തുളള സെന്റ് ജോര്‍ജ് ആശുപത്രിയില്‍ പ്രവേശിപ്പിച്ചു. കാലിനും കൈക്കും തലയ്ക്കും പരുക്കുണ്ട്.

പാദത്തിന് ഒടിവുണ്ട്. കാലിന് പ്ലാസ്റ്റര്‍ ഇട്ടു. തലയിലെ മുറിവിന് 20 തുന്നല്‍ വേണ്ടി വന്നു.ഇത്തരം പ്രവൃത്തികള്‍ ആവര്‍ത്തിക്കാതിരിക്കാന്‍ കര്‍ശന നടപടി വേണമെന്ന് പെണ്‍കുട്ടിയുടെ രക്ഷിതാക്കള്‍ പറഞ്ഞു. മകള്‍ സുരക്ഷിതയായിരിക്കുന്നതില്‍ ദൈവത്തിന് നന്ദിപറയുന്നുവെന്ന് പെണ്‍കുട്ടിയുടെ പിതാവ് പറഞ്ഞു. സംഭവിച്ചത് വലിയൊരു അപകടം തന്നെയാണെന്നും പിതാവ് പറഞ്ഞു.