മോദി സർക്കാരിനെയും തീ​വ്ര വ​ര്‍​ഗീ​യ സംഘടകൾക്കെതിരെയും പ്രതികരിച്ചതിന് ക​ന്ന​ഡ പ​ത്ര​ത്തി​ല്‍ താ​ന്‍ എ​ഴു​തി​യി​രു​ന്ന കോ​ളം മു​ന്ന​റി​യി​പ്പി​ല്ലാ​തെ നി​ര്‍​ത്തി​യെ​ന്ന് ന​ട​ന്‍ പ്ര​കാ​ശ് രാ​ജ്. മാധ്യമ പ്രവർത്തകയായിരുന്ന ഗൗരി ലങ്കേഷിന്റെ വധത്തിനു പിന്നാലെയാണ് വർഗീയ സംഘടനകൾക്കെതിരെ പ്രകാശ് രാജ് രൂക്ഷ വിമർശനവുമായി രംഗത്തെത്തിയത്. വർഗീയ സംഘടനകൾക്ക് സംരക്ഷണം നൽകുന്ന നിലപാടാണ് മോദി സർക്കാർ കൈക്കൊള്ളുന്നതെന്നും അദ്ദേഹം വിമർശിച്ചിരുന്നു.

കേന്ദ്ര സർക്കാരിനെതിരെയും വർഗീയ സംഘടനകൾക്കെതിരെയുമുള്ള പ്രകാശ് രാജിന്റെ വിമർശനത്തെ തുടർന്നാണ് കോ​ളം നി​ര്‍​ത്തി​യ​തെ​ന്നാ​ണു സൂ​ച​ന. ട്വി​റ്റ​റി​ലൂ​ടെ​യാ​ണ് അ​ദ്ദേ​ഹം ഈ ​ആ​രോ​പ​ണം ഉ​ന്ന​യി​ച്ച​ത്.
സ​ര്‍​ജി​ക്ക​ല്‍ സ്ട്രൈ​ക്ക്... ക​ന്ന​ഡ പ​ത്ര​ത്തി​ലെ എ​ന്‍റെ കോ​ളം മു​ന്ന​റി​യി​പ്പി​ല്ലാ​തെ നി​ര്‍​ത്തി. പ്രി​യ​പ്പെ​ട്ട അ​ദൃ​ശ്യ​ക​ര​ങ്ങ​ളേ, നി​ങ്ങ​ളെ കാ​ണാ​നാകി​ല്ലെ​ന്ന് നി​ങ്ങ​ള്‍ ക​രു​തി​യോ.. പ്ര​കാ​ശ് രാ​ജ് ട്വി​റ്റ​റി​ല്‍ കു​റി​ച്ചു.

ഗൗ​രി ല​ങ്കേ​ഷി​ന്‍റെ കൊ​ല​പാ​ത​ക​ത്തി​ൽ തീവ്ര വർഗീയ സംഘടനകൾക്ക് പങ്കുണ്ടെന്ന് റിപ്പോർട്ടുകൾ ഉണ്ടായിരുന്നു. വിഷയത്തിൽ പ്രധാനമന്ത്രിയുടെ മൗനത്തെ പ്രകാശ് രാജ് വിമർശിച്ചിരുന്നു. മോദി തന്നെക്കാൾ മികച്ച നടനാണെന്നും തനിക്ക് ലഭിച്ച ദേ​ശീ​യ പു​ര​സ്കാ​ര​ങ്ങ​ള്‍​ക്ക് കൂടുതൽ അർഹൻ മോദിയാണെന്നും അദ്ദേഹം തുറന്നടിച്ചിരുന്നു. സമീപ കാലത്തായി മോദി സർക്കാരിനെതിരെ നിരന്തരം വിമർശിച്ചതും അദ്ദേഹത്തിന് വിനയായി.