ഇന്ത്യ-പാക് അതിര്ത്തിയില് വീണ്ടും വെടിവയ്പ്പ്
ഇന്ത്യ-പാക് അതിര്ത്തിയില് പാക്കിസ്ഥാന് വീണ്ടും നിയന്ത്രണരേഖ ലംഘിച്ച് ശക്തമായ വെടിവയ്പ്പു തുടരുന്നു. നിയന്ത്രണരേഖയില് പാക്കിസ്ഥാന് ലെ 25 ഓളം ബിഎസ്എഫ് പോസ്റ്റുകളെയാണ് ലക്ഷ്യം വയ്ക്കുന്നത്. ഇന്നലെ രാത്രിയില് ആരംഭിച്ച വെടിവയ്പ്പ് ഇപ്പോഴും തുടരുകയാണ്. ഇന്ത്യന് സൈന്യം ശക്തമായി തിരിച്ചടിച്ചതായും റിപ്പോര്ട്ടുണ്ട്. ആക്രമണത്തില് ആര്ക്കും പരിക്കേറ്റതായി റിപ്പോര്ട്ടില്ല.
അര്നിയ, ആര്എസ് പുര, അഖ്നൂര് സെക്ടറുകളിലെ സൈനിക പോസ്റ്റുകള്ക്കു നേരെയാണ് പാക്കിസ്ഥാന് വെടിയുതിര്ത്തത്.
രാജ്യാന്തര അതിര്ത്തിയില് ഇന്ത്യയുടെ 22 സൈനിക പോസ്റ്റുകള്ക്കും 13 ഗ്രാമങ്ങള്ക്കും നേരെ പാക്കിസ്ഥാന് സൈന്യം ഇന്നലെ പുലര്ച്ചെ നടത്തിയ ആക്രമണത്തില് രണ്ടുപേര് കൊല്ലപ്പെട്ടിരുന്നു. ബിഎസ്എഫ് ഭടന് ഉള്പ്പെടെ ആറു പേര്ക്കു പരുക്കേല്ക്കുകയും ചെയ്തിരുന്നു. ജമ്മു മേഖലയിലെ രാജ്യാന്തര അതിര്ത്തിയില്, 2003ലെ വെടിനിര്ത്തല് കരാര് നിലവില് വന്നതിനു ശേഷമുള്ള ഏറ്റവും വലിയ ആക്രമണമാണ് ഇന്നലെ നടന്നത്. അതിര്ത്തിയില് താമസിക്കുന്ന ആയിരക്കണക്കിനു കുടുംബങ്ങള് ഇതോടെ ഭീതിയിലായിലാണ്. ഗ്രാമവാസികളെ സുരക്ഷിതകേന്ദ്രത്തിലേക്കു മാറ്റിത്തുടങ്ങിയിട്ടുണ്ട്.
https://www.facebook.com/Malayalivartha
