സാമ്പത്തിക നയ വിഷയത്തില് ബി.ജെ.പിക്കും പ്രധാനമന്ത്രി നരേന്ദ്ര മോദിക്കും എതിരെ ആഞ്ഞടിച്ച് മുന് പ്രധാനമന്ത്രിയും ധനകാര്യ വിദഗ്ധനുമായ ഡോ. മന്മോഹന് സിങ്
സാമ്പത്തിക നയ വിഷയത്തില് ബി.ജെ.പിക്കും പ്രധാനമന്ത്രി നരേന്ദ്ര മോദിക്കും എതിരെ ആഞ്ഞടിച്ച് മുന് പ്രധാനമന്ത്രിയും ധനകാര്യ വിദഗ്ധനുമായ ഡോ. മന്മോഹന് സിങ്. വലിയ വലിയ വാഗ്ദാനങ്ങള് നല്കി മോദി രാജ്യത്തെ ജനങ്ങളെ കബളിപ്പിച്ചെന്ന് 84മത് കോണ്ഗ്രസ് പ്ലീനറി സമ്മേളനത്തില് സംസാരിച്ച മന്മോഹന് സിങ് ആരോപിച്ചു. രണ്ട് കോടി തൊഴിലവസരങ്ങള് നല്കുമെന്നത് അടക്കം വലിയ വാഗ്ദാനങ്ങളാണ് ഭരണത്തിലേറാനായി മോദി നല്കിയത്.
എന്നാല്, രണ്ട് കോടി പോയിട്ട് രണ്ടു ലക്ഷം തൊഴില് പോലും നല്കാന് ബി.ജെ.പി സര്ക്കാറിന് സാധിച്ചില്ല. നോട്ട് അസാധുവാക്കല് പോലുള്ള നടപടി ഇന്ത്യയുടെ സമ്പദ് വ്യവസ്ഥയെ പ്രതികൂലമായി ബാധിച്ചു. രാജ്യത്തിന്റെ സാമ്പത്തിക രംഗത്തെ ബി.ജെ.പി കുട്ടിച്ചോറാക്കിയെന്നും മന്മോഹന് കുറ്റപ്പെടുത്തി. ജമ്മു കശ്മമീരിലെ സ്ഥിതിഗതികളെ തെറ്റായ രീതിയില് കൈകാര്യം ചെയ്തു. കശ്മമീരിലെ അന്തരീക്ഷം ദിനം പ്രതി കലുഷിതമാക്കി.
രാജ്യത്തിന്റെ അതിര്ത്തികള് സുരക്ഷിതമല്ലെന്ന യാഥാര്ഥ്യമാണ് ഇതില് നിന്ന് മനസിലാകുന്നത്. അതിര്ത്തി കടന്നുള്ളതും ആഭ്യന്തരവുമായ തീവ്രവാദം വര്ധിച്ചതായും മന്മോഹന് സിങ് ചൂണ്ടിക്കാട്ടി.
https://www.facebook.com/Malayalivartha
