കരാര് ഏറ്റെടുമ്പോള് ഉദ്യോഗസ്ഥര്ക്ക് വിഹിതം നല്കേണ്ടത് കരാറുകാരുടെ ഉത്തരവാദിത്തമെന്ന് നഗരസഭാ അധ്യക്ഷ
പദ്ധതികള്ക്കായി കരാര് ഏറ്റെടുമ്പോള് ഉദ്യോഗസ്ഥര്ക്ക് വിഹിതം നല്കേണ്ടത് കരാറുകാരുടെ ഉത്തരവാദിത്തമാണെന്ന് തെലങ്കാന നഗരസഭാധ്യക്ഷ. കരാര് ലഭിക്കാന് കൈക്കൂലി നല്കണമെന്ന് വാര്ത്താസമ്മേളനത്തിനിടെയാണ് അധ്യക്ഷ വെളിപ്പെടുത്തിയത്. എന്താണ് നടക്കുന്നതെന്ന് മന്ത്രിക്കും അറിയാമെന്ന് ചെയര്പേഴ്സണ് പറഞ്ഞു.
സിര്സില്ല നഗരസഭാ അധ്യക്ഷ ശാമള പവാനിയാണ് മാധ്യമങ്ങളോട് കൈക്കൂലിയെ കുറിച്ച് പറഞ്ഞത്. 'ഞങ്ങള് പോകുന്നു, തേങ്ങ മുറിക്കുന്നു, ഉദ്ഘാടനം ചെയ്യുന്നു. ഇതിനൊന്നും ഒരു വിഹിതവും ഞങ്ങള്ക്ക് ലഭിക്കേണ്ടതില്ലേ? വേറെ എന്താണ് ഇതില് ഞങ്ങള്ക്കുള്ളത്? ' - അധ്യക്ഷ ചോദിച്ചു.
മന്ത്രിക്കും ഇക്കാര്യം അറിയാമെന്ന് പറഞ്ഞെങ്കിലും മന്ത്രിയുടെ പേര് പരാമര്ശിച്ചില്ല. തെലങ്കാന മുഖ്യമന്ത്രി കെ. ചന്ദ്രശേഖര് റാവുവിന്റെ മകന് കെ.ടി രാമറാവുവാണ് മുന്സിപ്പല് - നഗര വികസന വകുപ്പ് മന്ത്രി. അദ്ദേഹം സിര്സില്ലയില് നിന്നുള്ള നിയമസഭാംഗം കൂടിയാണ്.
ഒാരോ പദ്ധതികളുടെ കരാറിലും ഒന്നു മുതല് മൂന്നു ശതമാനം വരെ വിഹിതം തെലങ്കാനയില് എല്ലായിടത്തും സാധാരണമാണ്. എല്ലാ വാര്ഡുകളിലും ഇൗ സമ്ബ്രദായമുണ്ട്. എന്നാല് ഉദ്യോഗസ്ഥരും കരാറുകാരും വിഷയം രാഷ്ട്രീയവത്കരിച്ചിട്ടില്ലെന്നും ശാമള പവാനി പറഞ്ഞു.
കരാറുകാര് കമീഷന് കൃത്യമായി ഉത്തരവാദിത്തത്തോടെ നല്കിയാല് അവിടെ ഒരു പ്രശ്നവും ഉണ്ടാകില്ല. കോടിക്കണക്കിന് രൂപയുടെ നിരവധി പദ്ധതികള് സിര്സില്ലയില് ഉണ്ടായിട്ടുണ്ടെന്നും ശാമള പറഞ്ഞു.
വാര്ത്താസമ്മേളനം വിവാദമായതോടെ, മണിക്കൂറുകള്ക്കുള്ളില് വ്യക്തിപരമായ കാരണങ്ങള് ചൂണ്ടിക്കാട്ടി സിര്സില്ല മുന്സിപ്പല് കൗണ്സില് ചെയര്പേഴ്സണ് രാജിവെച്ചു.
https://www.facebook.com/Malayalivartha
