വാഗ്ദാനം ചെയ്ത പണവും ഭക്ഷണവും പാഴ്വാക്ക് ; കെജ്രിവാളിനെതിരെ സമരത്തിന് പങ്കെടുത്ത തൊഴിലാളികളുടെ പ്രതിഷേധം
ഡല്ഹി മുഖ്യമന്ത്രി അരവിന്ദ് കെജ്രിവാളിനെതിരെ ഗുരുതര ആരോപണവുമായി ഹരിയാനയിലെ തൊഴിലാളികള് രംഗത്ത്. റാലിയില് പങ്കെടുക്കുന്നതിന് പണവും ഭക്ഷണവും വാഗ്ദാനം ചെയ്ത് വാക്കുപാലിക്കാത്തതില് അരവിന്ദ് കെജ്രിവാളിനെതിരെ പ്രതിഷേധം ശത്മാകുന്നു. ഞാറാഴ്ചയാണ് ഹരിയാനയിലെ ഹിസാറില് ആംആദ്മി പാര്ട്ടി ബിജെപി വിരുദ്ധ റാലി സംഘടിപ്പിച്ചത്. റാലിയില് പങ്കെടുക്കുന്ന ഓരോ വ്യക്തിക്കും 350 രൂപയും ഭക്ഷണവും നല്കും എന്നതായിരുന്നു എഎപിയുടെ വാഗ്ദാനം.
2019 ല് ഹരിയാനയില് നിയമസഭാ തെരഞ്ഞെടുപ്പ് നടക്കാന് പോകുന്ന സാഹചര്യത്തിലാണ് കെജ്രിവാളിന്റെ നേതൃത്വത്തില് റാലി സംഘടിപ്പിച്ചത്. റാലി കഴിഞ്ഞിട്ടും എഎപി പ്രവര്ത്തകര് പണമോ ഭക്ഷമോ നല്കിയില്ല എന്നാണ് റാലിയില് പങ്കെടുത്തവര് പറയുന്നത്. പങ്കെടുക്കുന്ന ഓരോ വ്യക്തിക്കും 350 രൂപ ലഭിക്കും എന്നതിനാല് പലരും കുടുംബത്തോടെയാണ് റാലിയില് പങ്കെടുത്തത്. എന്നാല് വാഗ്ദാനങ്ങള് പാലിക്കാന് എഎപി തയ്യാറാകുന്നില്ലെന്ന് റാലിയില് പങ്കെടുത്തവര് ആരോപിക്കുന്നു.
റാലിയില് പങ്കെടുത്തവര് പ്രതിഷേധവുമായി രംഗത്തെത്തിയെങ്കിലും ഇതിനോട് പ്രതികരിക്കാന് അരവിന്ദ് കെജ്രിവാളോ എഎപി പ്രവര്ത്തകരോ തയ്യാറായിട്ടില്ല. കെജ്രിവാളിന്റെ ജന്മ സ്ഥലം കൂടിയാണ് ഹീസാര്. സ്വന്തം നാട്ടില് മികവ് കാണിക്കാന് സാധിച്ചിട്ടില്ലെങ്കില് അത് വലിയ തിരിച്ചടിയാവുമെന്നും എഎപി കണക്കുകൂട്ടുന്നു. റാലിയില് ബിജെപിയെയും കോണ്ഗ്രസിനെയും ആക്രമിക്കാനാണ് അദ്ദേഹം ശ്രമിച്ചത്. എന്നാല് തൊഴിലാളികളുടെ ആരോപണം ആം ആദ്മി പാര്ട്ടിക്കും കെജ്രിവാളിനും തിരിച്ചടിയായിരിക്കുകയാണ്.
https://www.facebook.com/Malayalivartha
