ക്രിക്കറ്റ്​ താരം വിരാട്​ കോഹ്​ലിയുടെ ഫിറ്റ്​നസ്​ ചലഞ്ച്​ ഏറ്റെടുത്ത്​ ഇന്ത്യന്‍ പ്രധാനമന്ത്രി നരേന്ദ്ര മോദി. ആരോഗ്യം സംരക്ഷിക്കുന്നതിനായി താന്‍ സ്ഥിരമായി ചെയ്യാറുള്ള കാര്യങ്ങളുടെ വീഡിയോ അദ്ദേഹം ട്വീറ്ററിൽ പങ്കുവച്ചു. സ്വന്തം വസതിയില്‍ വെച്ച്‌​ യോഗയും വ്യായാമവും ചെയ്യുന്ന വീഡിയോ ആണ് അദ്ദേഹം ട്വിറ്ററില്‍ പങ്കു​വെച്ചത്.

വിരാട് കോഹ്‌ലിയുടെ ചലഞ്ച് ഏറ്റെടുത്തതിനൊപ്പം ഫിറ്റ്​നസ്​ ചലഞ്ചിന്​ രണ്ടുപേരെ ക്ഷണിക്കാനും മോദി മറന്നില്ല. കര്‍ണാടക മുഖ്യമന്ത്രി എച്ച്‌​.ഡി കുമാര സ്വാമിയെയാണ്​ ആദ്യമായി മോദി ചലഞ്ചിന്​ ക്ഷണിച്ചത്​. കോമണ്‍വെല്‍ത്ത്​ ഗെയിംസില്‍ ഇന്ത്യക്ക്​ വേണ്ടി സ്വര്‍ണം നേടിയ മാണിക ബത്രിയെയാണ്​ മോദി രണ്ടാമതായി ചലഞ്ചിന്​ ക്ഷണിച്ചത്​.

മോദിയുടെ വെല്ലുവിളിക്ക്​ കുമരസ്വാമി ഉടന്‍ തന്നെ മറുപടി നല്‍കി. തന്റെ ആരോഗ്യത്തെ കുറിച്ച്‌​ വളരെ വലിയ ആശങ്ക പ്രധാനമന്ത്രി പ്രകടിപ്പിക്കുന്നതില്‍ സന്തോഷം. എല്ലാ ദിവസവം ട്രെഡ്​ മില്ലില്‍ നടക്കുന്ന വ്യക്​തിയാണ്​ താനെന്നും ത​​​ന്റെ ആരോഗ്യത്തെക്കാള്‍ പ്രധാനം കര്‍ണാടകയുടെ സാമ്ബത്തിക ആരോഗ്യമാണ്​. അതിനുള്ള സഹായമാണ്​ മോദിയില്‍ നിന്ന്​ പ്രതീക്ഷിക്കുന്നതെന്നും കുമാരസ്വാമി കൂട്ടിച്ചേര്‍ത്തു.

കേന്ദ്ര മന്ത്രി രാജ്യവര്‍ധന്‍ സിങ്​ റാത്തോഡായിരുന്നു ഫിറ്റ്​നസ്​ ഫോര്‍ ഇന്ത്യ ​എന്ന പേരില്‍ ഇൗ ചലഞ്ചിന്​ തുടക്കമിട്ടത്​. അതേറ്റെടുത്ത കോഹ്​ലി പ്രധാന മന്ത്രിയെ ചലഞ്ച്​ ​െചയ്യുകയായിരുന്നു.

വീഡിയോ കാണാം....