ഇന്ത്യൻ ക്രിക്കറ്റ് ടീം ക്യാപ്റ്റൻ വിരാട് കോഹ്‌ലിയുടെ ഫിറ്റ്നസ് ചലഞ്ച് ഏറ്റെടുത്ത ഇന്ത്യൻ പ്രധാന മന്ത്രി നരേന്ദ്രമോദിയെ ട്രോളി ട്രോളന്മാർ. ഫിറ്റ്നസ് ചലഞ്ച് ഏറ്റെടുത്ത മോഡി ഇനി ഡിഗ്രി സർട്ടിഫിക്കറ്റ് ചലഞ്ച് കൂടി ഏറ്റെടുക്കണമെന്നാണ് ട്രോളർമാരുടെ ആവശ്യം.

കഴിഞ്ഞ ദിവസം ക്രിക്കറ്റ്​ താരം വിരാട്​ കോഹ്​ലിയുടെ ഫിറ്റ്​നസ്​ ചലഞ്ച്​ ഏറ്റെടുത്ത​ ഇന്ത്യന്‍ പ്രധാനമന്ത്രി നരേന്ദ്ര മോദി ആരോഗ്യം സംരക്ഷിക്കുന്നതിനായി താന്‍ സ്ഥിരമായി ചെയ്യാറുള്ള കാര്യങ്ങളുടെ വീഡിയോ അദ്ദേഹം ട്വീറ്ററിൽ പങ്കുവച്ചിരുന്നു. സ്വന്തം വസതിയില്‍ വെച്ച്‌​ യോഗയും വ്യായാമവും ചെയ്യുന്ന വീഡിയോ ആണ് അദ്ദേഹം ട്വിറ്ററില്‍ പങ്കു​വെച്ചത്.

വിരാട് കോഹ്‌ലിയുടെ ചലഞ്ച് ഏറ്റെടുത്തതിനൊപ്പം ഫിറ്റ്​നസ്​ ചലഞ്ചിന്​ രണ്ടുപേരെ ക്ഷണിക്കാനും മോദി മറന്നില്ല. കര്‍ണാടക മുഖ്യമന്ത്രി എച്ച്‌​.ഡി കുമാര സ്വാമിയെയാണ്​ ആദ്യമായി മോദി ചലഞ്ചിന്​ ക്ഷണിച്ചത്​. കോമണ്‍വെല്‍ത്ത്​ ഗെയിംസില്‍ ഇന്ത്യക്ക്​ വേണ്ടി സ്വര്‍ണം നേടിയ മാണിക ബത്രിയെയാണ്​ മോദി രണ്ടാമതായി ചലഞ്ചിന്​ ക്ഷണിച്ചത്​.