പ്രധാനമന്ത്രിയുടെ വസതിക്കു മുകളിൽ പറക്കും തളിക കണ്ടെത്തിയതായി റിപ്പോർട്ട്. ലോക് കല്യാൺ മാർഗിലുള്ള വസതിക്കു ചുറ്റും അജ്ഞാത വസ്തു കണ്ടെത്തിയെന്നുള്ള റിപോർട്ടുകൾ പുറത്തുവന്നതിന് പിന്നാലെ മോദിയെ കളിയാക്കാനുള്ള ആയുധമായി പ്രതിപക്ഷം ഇത് ഏറ്റെടുക്കുകയും ചെയ്തു.

അജ്ഞാത വസ്തു കണ്ടെത്തിയ പ്രദേശം വ്യോമ നിരോധന മേഖലയാണ് . അജ്ഞാത വസ്തു ശ്രദ്ധയിൽപെട്ടതിനെ തുടർന്ന് സുരക്ഷാ ഉദ്യോഗസ്ഥർ തിരച്ചിൽ നടത്തിയെങ്കിലും സംശയകരമായി ഒന്നും കണ്ടെത്താൻ സാധിച്ചില്ലെന്ന് റിപ്പോർട്ടിൽ പറയുന്നു.

അതേസമയം വാർത്ത പുറത്തു വന്നതിന് പിന്നാലെ മോദിയെ പരിഹസിക്കാനുള്ള വിഷയമായി എതിരാളികൾ ഇതിനെ ഏറ്റെടുക്കുകയും ചെയ്തു. അന്യഗ്രഹ ജീവികൾ പോലും വികസനത്തെ കുറിച്ച പഠിക്കാൻ എത്തുന്നു എന്ന് കോൺഗ്രസ് പ്രതികരിച്ചു. മോദി പറക്കും തളിക എവിടെനിന്നു വന്നെന്നറിഞ്ഞാൽ എവിടേക്കും യാത്ര നടത്തുമെന്നും പരിഹാസം ഉയർന്നു.