അജ്ഞാത സംഘത്തിന്റെ വെടിയേറ്റ് മരിച്ച മുതിര്‍ന്ന മാധ്യമപ്രവര്‍ത്തകനും റൈസിംഗ് കാഷ്മീര്‍ എഡിറ്ററുമായ ഷുജാത് ബുഖാരിക്ക് ആദരാജ്ഞലികള്‍ അര്‍പ്പിക്കാന്‍ പ്രതികൂല കാലാവസ്ഥയിലും കാശ്മീരിലെത്തിയത് ആയിരങ്ങള്‍. ഇന്നലെയാണ് ജമ്മുകാശ്മീരിലെ സമാധാന ശ്രമങ്ങള്‍ക്ക് മുന്‍നിരയില്‍ പ്രവര്‍ത്തിച്ചിരുന്ന ബുഖാരിക്ക് വെടിയേറ്റത്. സ്വദേശമായ ശ്രീനഗറിലാണ് അദ്ദേഹത്തിന്റെ മൃതദേഹം സംസ്‌കരിച്ചത്. പ്രതിപക്ഷ നേതാവ് ഒമര്‍ അബ്ദുള്ള, മന്ത്രിമാര്‍ തുടങ്ങി നിരവധി പ്രമുഖരാണ് അദ്ദേഹത്തിന് ആദരാഞ്ജലികള്‍ അര്‍പിച്ചത്.

ഇഫ്താര്‍ പാര്‍ട്ടിയില്‍ പങ്കെടുക്കാന്‍ പോകവേയായിരുന്നു ബുഖാരിക്കു വെടിയേറ്റത്. അംഗരക്ഷകരായ രണ്ടു പോലീസുകാരും ബുഖാരിക്കൊപ്പം കൊല്ലപ്പെട്ടിരുന്നു.