പ്രധാനമന്ത്രി നരേന്ദ്ര മോദി നാലു കൊല്ലംകൊണ്ട് സഞ്ചരിച്ചത് 52 രാജ്യങ്ങളിൽ. ഇതിനായി ചെലവിട്ടത് 355 കോടി രൂപ.പ്രധാനമന്ത്രിയുടെ ഓഫീസില്‍ നിന്ന് വിവരാവകാശ പ്രവര്‍ത്തകന്‍ ഭീമപ്പ ഗദാദിന് നല്‍കിയ മറുപടിയിലാണ് ഈ വിവരങ്ങളുള്ളത്.ഫ്രാന്‍സ്, ജര്‍മനി, കാനഡ എന്നീ രാജ്യങ്ങളില്‍ നടത്തിയ ഒന്‍പത് ദിവസത്തെ യാത്രയ്ക്കാണ് കൂടുതല്‍ തുക ചെലവായത്. 31.25 കോടിയായിരുന്നു ചെലവ്.

ഭൂട്ടാനിലേക്ക് 2014 ജൂണില്‍ നടത്തിയ യാത്രയ്ക്കാണ് ഏറ്റവും കുറഞ്ഞ ചെലവ്- 2.45 കോടി. രാജ്യത്തിനകത്തു പ്രധാനമന്ത്രി നടത്തിയ യാത്രകള്‍ക്കു ചെലവായ തുകയുടെ വിശദാംശങ്ങള്‍ ആവശ്യപ്പെട്ടിട്ടും ലഭിച്ചില്ലെന്ന് ഭീമപ്പ പറഞ്ഞു.എന്തൊക്കെ നേട്ടങ്ങളാണ് പ്രധാനമന്ത്രിയുടെ വിദേശയാത്രകള്‍ കൊണ്ട് രാജ്യത്തിനുണ്ടായതെന്ന് കേന്ദ്രം ജനങ്ങളെ അറിയിക്കണമെന്നും അദ്ദേഹം ആവശ്യപ്പെട്ടു.