പ്രവാസികള്‍ക്ക് ഇരുട്ടടിയായി ഒമാനില്‍ വിസാ നിരക്കുകള്‍ കുത്തനെ വര്‍ദ്ധിപ്പിച്ചു. കുടുംബ വിസക്കൊപ്പം നിക്ഷേപക, വിദ്യാര്‍ഥി വിസകളുടെ നിരക്കുകളിലാണ് വര്‍ദ്ധന. വിസ പുതുക്കാനുള്ള നിരക്കിലും വര്‍ദ്ധനയുണ്ട്. താമസ, കുടിയേറ്റ നിയമത്തില്‍ ഭേദഗതി വരുത്തി കഴിഞ്ഞ 22ന് റോയല്‍ ഒമാന്‍ പൊലീസ് ലഫ്. ജനറല്‍ ഹസന്‍ ബിന്‍ മുഹ്‌സിന്‍ അല്‍ശുറൈഖി പുറത്തിറക്കിയ ഉത്തരവിലാണ് നിരക്കുകളില്‍ വര്‍ധന വരുത്തിയത്. നവംബര്‍ 21 മുതലാണ് പുതുക്കിയ നിരക്കുകള്‍ പ്രാബല്യത്തില്‍വരുക.

നിരക്കുവര്‍ധന പ്രാബല്യത്തിലാകുന്നതോടെ പ്രവാസികള്‍ക്ക് കുടുംബാംഗങ്ങളെയും ബന്ധുക്കളെയും കൊണ്ടുവരുന്നതിനുള്ള ഫാമിലി ജോയിനിങ് വിസക്ക് 30 റിയാല്‍ അഥവാ 4700 ലേറെ രൂപയാകും. നേരത്തേ 20 റിയാലായിരുന്നു ഇതിന്റെ നിരക്ക്. കുടുംബത്തിനുള്ള സന്ദര്‍ശകവിസയുടെ നിരക്കും 30 റിയാലായി ഉയര്‍ത്തി. ബിസിനസ് നിക്ഷേപകര്‍ക്കുള്ള ഇന്‍വെസ്റ്റര്‍ വിസയുടെ നിരക്ക് 20 റിയാലില്‍നിന്ന് ഇരട്ടിയിലേറെ ഉയര്‍ത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha