സൗദി എയര്ലൈന്സ് ടിക്കറ്റ് ബുക്കിങ്ങില് മാറ്റം
സൗദി എയര്ലൈന്സ് ആഭ്യന്തര റൂട്ടിലെ ടിക്കറ്റ് ബുക്കിങ് സംവിധാനത്തില് മാറ്റം വരുത്തുന്നു. വിമാനത്തില് സീറ്റ് ബുക്ക് ചെയ്യുന്നവര്ക്ക് 48 മണിക്കുറിനകം ടിക്കറ്റ് എടുക്കാമെന്ന സാവകാശം അടുത്ത ജനുവരി മുതല് ലഭിക്കില്ലെന്ന് എയര്ലൈന്സ് വൃത്തങ്ങള് വ്യക്തമാക്കി. സീറ്റ് ബുക്ക് ചെയ്യുന്ന വേളയില്തന്നെ ടിക്കറ്റ് എടുക്കുന്ന \'ബുക്ക് ആന്ഡ് പേ\' സംവിധാനമാണ് ജനുവരി മുതല് നടപ്പാക്കുക.
കൂടുതല് യാത്രക്കാര്ക്ക് അവസരം ലഭിക്കാനും ബുക്കിങ് സംവിധാനം കുറ്റമറ്റതാക്കാനുമാണ് പുതിയ സംവിധാനത്തിലൂടെ സൗദി എയര്ലൈന്സ് ഉദ്ദേശിക്കുന്നത്. യാത്രക്കാര്ക്ക് ആവശ്യമായ സീറ്റുകളുടെ ആവശ്യവും ലഭ്യതയും തമ്മിലുള്ള അന്തരം കുറക്കാനും പുതിയ സംവിധാനം വഴി സാധിക്കും. സീറ്റ് ബുക്ക് ചെയ്തവര് അടുത്ത 48 മണിക്കൂറിനകം ടിക്കറ്റെടുത്താല് മതി എന്ന സാവകാശം പലരും ദുരുപയോഗം ചെയ്യാനും അവസാന സമയം കാന്സല് ചെയ്യാനും ഇടവരുത്തുന്നുണ്ട്.
ചില ഏജന്സികളും ഇടനിലക്കാരും ടിക്കറ്റ് മുന്കൂട്ടി ബുക്ക് ചെയ്ത് കൂടുതല് തുകക്ക് വില്ക്കുന്നതായും എയര്ലൈന്സ് അതോറിറ്റിയുടെ ശ്രദ്ധയില്പെട്ടിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha