യാത്രക്കാര്‍ക്ക് ഓണ്‍ലൈനായി പരാതിപ്പെടാന്‍ സൗകര്യം ഏര്‍പ്പെടുത്തുകയും എയര്‍പോര്‍ട്ടിലേക്കുള്ള യാത്രാസൗകര്യം മെച്ചപ്പെടുത്തുകയും വേണമെന്ന് നിര്‍ദ്ദേശത്തില്‍ പറയുന്നു. വിമാനയാത്രക്കാര്‍ക്ക് എയര്‍പോര്‍ട്ടില്‍ ലഭിക്കുന്ന സേവനങ്ങളുമായി ബന്ധപ്പെട്ടു ഉയര്‍ന്ന പരാതികളെ തുടര്‍ന്നാണ് സേവനം മെച്ചപ്പെടുത്താന്‍ ശുറാ കൗണ്‍സില്‍ നിര്‍ദേശിച്ചത്. കൂടുതല്‍ സൗകര്യം വിമാനതാവളങ്ങളില്‍ ഏര്‍പ്പെടുത്തണം എന്ന് ശൂറാ കൌണ്‍സില്‍ ജനറല്‍ അതോറിറ്റി ഓഫ് സിവില്‍ ഏവിയേഷന്‍ നിര്‍ദേശം നല്‍കി. യാത്രക്കാര്‍ക്ക് സേവന സംബന്ധമായ പരാതികളും നിര്‍ദേശങ്ങളും അയക്കാന്‍ ഓണ്‍ലൈന്‍ സംവിധാനം വേണം. പതിനഞ്ച് ദിവസത്തിനകം അതോറിറ്റി ഇതിന് മറുപടി നല്‍കുകയും വേണം. സെല്‍ഫ് സര്‍വീസ് സേവനങ്ങള്‍ കൂടുതല്‍ വിപുലീകരിക്കാനും കൌണ്‍സില്‍ ആവശ്യപ്പെട്ടു.
യോഗ്യരായ വനിതകളെ കൂടുതല്‍ തസ്തികകളില്‍ ജോലിക്ക് വെക്കണം. താമസിക്കാനുള്ള ഹോട്ടലുകളെ കുറിച്ചും പാക്കേജുകളെ കുറിച്ചും ഉള്ള വിശദമായ വിവരം വിമാനത്താവളങ്ങളില്‍ പ്രദര്‍ശിപ്പിക്കണം. എയര്‍പോര്‍ട്ടുകളിലേക്കും തിരിച്ചുമുള്ള യാത്രാസൗകര്യവും അപര്യാപ്തമാണെന്ന് ശൂറാകൌണ്‍സില്‍വിലയിരുത്തി. അംഗവകല്യം ഉള്ളവര്‍ക്കും രോഗികള്‍ക്കും മറ്റും പ്രത്യേക സേവനം പല വിമാനത്താവളങ്ങളിലും ലഭ്യമല്ല. ഇതെല്ലാം എത്രയും പെട്ടെന്ന് പരിഹരിക്കണം എന്നാണു സിവില്‍ഏവിയേഷന് ലഭിച്ചിരിക്കുന്ന നിര്‍ദേശം

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha