വിമാനം വൈകലും റദ്ദാക്കലും തുടര്‍ക്കഥയാക്കിയ എയര്‍ ഇന്ത്യ കഴിഞ്ഞമാസം ബുദ്ധിമുട്ടിച്ചത് 50,773 പേരെയെന്ന് കണക്കുകള്‍ വ്യക്തമാക്കുന്നു. മൊത്തം 62,011 ആഭ്യന്തര യാത്രക്കാരാണ് വിമാനങ്ങള്‍ വൈകിയത് മൂലം കഴിഞ്ഞമാസം ദുരിതം അനുഭവിച്ചത്. ഇതില്‍ 50,773 പേരും എയര്‍ ഇന്ത്യ യാത്രക്കാരായിരുന്നു. പ്രതിമാസം ശരാശരി 25,000 യാത്രക്കാര്‍ ആഭ്യന്തര തലത്തില്‍ വിമാനങ്ങള്‍ വൈകുന്നത് മൂലം ബുദ്ധിമുട്ട് അനുഭവിക്കുന്നുണ്ടെന്ന് ഡയറക്ടര്‍ ജനറല്‍ ഒഫ് സിവില്‍ ഏവിയേഷന്‍ (ഡി.ജി.സി.എ) വ്യക്തമാക്കുന്നു.

അതേസമയം എയര്‍ഇന്തയുടെ 97 ശതമാനം സര്‍വീസുകളും നഷ്ടത്തിലെന്ന് വിലയിരുത്തല്‍. നിത്യേനയുളള 370 സര്‍വീസുകളില്‍ മൂന്ന് രാജ്യാന്തര സര്‍വീസുകളും ആറ് അഭ്യന്തര സര്‍വീസുകളും മാത്രമേ ലാഭകരമായി പ്രവര്‍ത്തിക്കുന്നുളളൂവെന്നുമാണ് വിലയിരുത്തുന്നത്.പാര്‍ലമെന്റില്‍ വച്ച റിപ്പോര്‍ട്ടിലാണ് ഇത് വെളിപ്പെടുത്തുന്നത്.
കഴിഞ്ഞ സാമ്പത്തിക വര്‍ഷം 5388 കോടിയോളം രൂപയുടെ നഷ്ടമാണ് എയര്‍ ഇന്ത്യയ്ക്കുണ്ടായത്. ഇതുകൂടാതെ കോടികളുടെ വായ്പാ തിരിച്ചടവ് വേറെയുമുണ്ട്. തുടര്‍ച്ചയായി നഷ്ടത്തിലുളള ചില റൂട്ടുകള്‍ പൂര്‍ണ്ണമായി ഒഴിവാക്കിയും മറ്റ് ചില റൂട്ടുകള്‍ നീട്ടി ലാഭത്തിലാക്കാനുമാണ് എയര്‍ ഇന്ത്യയുടെ തീരുമാനം. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha