മലയാളി പെണ്കൂട്ടായ്മ ദുബൈയില് റസ്റ്റോറന്റ് തുടങ്ങുന്നു
മലയാളികള് നടത്തുന്ന ധാരാളം റസ്റ്റോറന്റുകള് ദുബൈയില് വിജയകരമായി പ്രവര്ത്തിക്കുന്നതില് നിന്ന് ഊര്ജം ഉള്കൊണ്ടാണ് പെണ്കൂട്ടം പ്രവാസമണ്ണിലെ പുതിയ പരീക്ഷണത്തിന് ഒരുങ്ങുന്നത്. ഖിസൈസില് ഡമാസ്കസ് സ്ട്രീറ്റിലാണ് ഭോജനശാല. ഡിസംബര് ആദ്യവാരം ഉദ്ഘാടനം നടക്കും. പാലുകാച്ചല് ചടങ്ങ് കഴിഞ്ഞദിവസം നടന്നു. കേരളത്തിലെ കുടുംബശ്രീ മാതൃകയില് ദുബൈയില് മലയാളി സ്ത്രീകള് ചേര്ന്ന് റസ്റ്റോറന്റ് ആരംഭിക്കുന്നു. വിവിധ ജില്ലക്കാരായ 30 സ്ത്രീകളാണ് ഈ സംരംഭത്തിന് പിന്നില്
ലൈസന്സും അനുബന്ധ രേഖകളും ശരിയാക്കാനും മറ്റു മുന്നൊരുക്കങ്ങള്ക്കുമായി ഓടി നടക്കുന്നത് സ്ത്രീകള് തന്നെ. വ്യത്യസ്ത പശ്ചാത്തലങ്ങളില് നിന്നും സാമൂഹിക സാഹചര്യങ്ങളില് നിന്നും വരുന്ന വനിതകളാണ് കൂട്ടായ്മയിലുള്ളത്. വിവിധ സംഘടനകളുടെ സംഗമങ്ങളിലും മക്കളുടെ സ്കൂളുകളിലെ രക്ഷാകര്തൃ യോഗങ്ങളിലും സ്ഥിരമായി കണ്ടുമുട്ടുന്നവര് വേറിട്ട് ചിന്തിച്ചതോടെയാണ് പെണ് ഉണര്വിന് വഴിയൊരുങ്ങിയത്. ഡോക്ടറും വക്കീലും അക്കൗണ്ടന്റും വീട്ടമ്മമാരും എല്ലാം ഉള്പ്പെടുന്നതാണ് സംഘം.
ഭര്ത്താക്കന്മാര് ജോലിക്കും മക്കള് വിദ്യാലയങ്ങളിലും പോയാല് ഉറങ്ങിയും ടെലിവിഷന് കണ്ടും സമയം കൊല്ലാന് പാടുപെടുന്ന പ്രവാസി വീട്ടമ്മമാരുടെ, ഒഴിവ് സമയം എങ്ങനെ ഫലപ്രദമായി ചെലവഴിക്കുമെന്ന ചിന്തയില് നിന്നാണ് ഇങ്ങനെ ഒരു ആശയം മുന്നോട്ടുവന്നതെന്ന് ഡയറക്ടര്മാരായ മലപ്പുറം തിരൂര് സ്വദേശി ഡോ.ബിന്ജൂസ് ബേബിയും കോഴിക്കോട്ടുകാരി ഷക്കീല സൈനുദ്ദീനും പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha