കുവൈത്തില്‍ ചെലവ് നിയന്ത്രിക്കുന്നതിന്റെ ഭാഗമായി സബ്‌സിഡി പിന്‍വലിക്കുന്നു
ജനവരി ഒന്നുമുതല്‍ കുവൈത്തില്‍ ഡീസല്‍, മണ്ണെണ്ണ എന്നിവയുടെ പുതിയ നിരക്കുകള്‍ പ്രാബല്യത്തില്‍ വരും. പെട്രോളിനും പാചകവാതകത്തിനും പുതുവര്‍ഷാരംഭത്തില്‍ത്തന്നെ വില വര്‍ധിപ്പിക്കും.
പൊതു ചെലവ് നിയന്ത്രിക്കുന്നതിന്റെ ഭാഗമായിട്ടാണ് വൈദ്യുതി, വെള്ളം, പെട്രോള്‍ സബ്‌സിഡികള്‍ പിന്‍വലിക്കുന്നത്. വൈദ്യുതിനിരക്ക് വര്‍ധിപ്പിക്കില്ല എന്ന് സര്‍ക്കാര്‍ പറയുമ്പോഴും നിരക്ക് വര്‍ധനയ്ക്ക് സമാനമായ \'സ്ലാബ് സംവിധാനം\' ഏര്‍പ്പെടുത്തുന്നതിനാണ് സര്‍ക്കാര്‍ ആലോചിക്കുന്നത്. മൊബൈല്‍ഫോണ്‍ റീചാര്‍ജിങ് മാതൃകയില്‍ മുന്‍കൂര്‍ പണമടച്ച് പ്രവര്‍ത്തിപ്പിക്കുന്ന സ്മാര്‍ട്ട് വൈദ്യുതി മീറ്ററുകള്‍ പരീക്ഷണാടിസ്ഥാനത്തില്‍ സ്ഥാപിച്ച് തുടങ്ങിയിട്ടുണ്ട്.
അതേസമയം സബ്‌സിഡി പിന്‍വലിക്കുന്നതോടെ വൈദ്യുതി, വെള്ളം, പെട്രോള്‍ എന്നിവയുടെ നിരക്കില്‍ വലിയ വര്‍ധനയുണ്ടാവും. ഇത് സ്വദേശികളേക്കാള്‍ വിദേശികളെയായിരിക്കും ബാധിക്കുക. നിലവില്‍ അത്യാവശ്യ സര്‍വീസുകളില്‍പ്പെടുന്ന മൂന്ന് വിഭാഗങ്ങള്‍ക്കും വളരെ ചെറിയ നിരക്കാണ് ഈടാക്കുന്നത്. വലിയ വര്‍ധന സാധാരണക്കാരായ വിദേശികള്‍ക്ക് വലിയ സാമ്പത്തിക ബാധ്യതയാവും.
https://www.facebook.com/Malayalivartha
