രാജ്യത്തെ പരിഷ്‌കരിച്ച തൊഴില്‍ നിയമം ഏറെ വൈകാതെ പ്രാബല്യത്തില്‍ വരുമെന്ന് പ്രധാനമന്ത്രി ശൈഖ് അബ്ദുല്ല ബിന്‍ നാസര്‍ ആല്‍ഥാനി വ്യക്തമാക്കി. സ്‌പോണ്‍സര്‍ഷിപ്പുമായി ബന്ധപ്പെട്ട വിഷയത്തില്‍ വലിയ മാറ്റമാണ് പ്രതീക്ഷിക്കുന്നത്. മൂന്ന് ദിവസമായി റിട്ട്‌സ് കാള്‍ട്ടന്‍ ഹോട്ടലില്‍ നടന്നുവരുന്ന ചേംബര്‍ ഓഫ് കോമേഴ്‌സ് സമ്മേളനത്തില്‍ സംസാരിക്കുകയായിരുന്നു അദ്ദേഹം. അമീര്‍ ശൈഖ് തമീം ബിന്‍ ഹമദ് ബിന്‍ ആല്‍ഥാനി ശൂറ യോഗത്തില്‍ നടത്തിയ പ്രഖ്യാപനങ്ങള്‍ നടപ്പില്‍ വരുത്താന്‍ പ്രത്യേകം കമ്മിറ്റി രൂപവല്‍കരിച്ച് പ്രവര്‍ത്തനമരംഭിച്ചതായും അദ്ദേഹം പറഞ്ഞു.
രാജ്യത്തെ സാമ്പത്തിക വാണിജ്യ മേഖലയില്‍ നിക്ഷേപത്തിന് യോജിച്ച അന്തരീക്ഷം സൃഷ്ടിക്കുന്ന കാര്യത്തില്‍ ഭരണകൂടം പ്രതിഞ്ജാബന്ധമാണ്. തൊഴില്‍ മേഖലയില്‍ വലിയ മുന്നേറ്റത്തിന് കാരണമാകുന്ന പരിഷ്‌കാരങ്ങളാണ് ആഗ്രഹിക്കുന്നമത്. വിവിധ മന്ത്രാലയങ്ങളോട് രാജ്യം മുന്നോട്ട് വെക്കുന്ന ലക്ഷ്യത്തിലേക്കത്തെുന്നതിന് വേണ്ടിയുള്ള പദ്ധതികള്‍ ആവിഷ്‌കരിച്ച് സമര്‍പ്പിക്കാന്‍ ആവശ്യപ്പട്ടിരിക്കുകയാണ്. അടുത്ത അഞ്ച് വര്‍ഷത്തേക്ക് വികസനത്തിനുള്ള ഭൂമി ഏറ്റെടുക്കുന്നതടക്കമുള്ള നടപടികള്‍ മുമ്പോട്ട് നീക്കാന്‍ പ്രത്യേക മന്ത്രി തല സമിതിയോട് ആവശ്യപ്പെട്ടിട്ടുണ്ട്. ആരോഗ്യ, വാണിജ്യ, വ്യവസായ, ടൂറിസം മേഖലക്ക് വേണ്ടിയുള്ള പുതിയ പദ്ധതികള്‍ ആരംഭിക്കാന്‍ തീരുമാനിച്ചിട്ടുണ്ട്. സാമ്പത്തിക മേഖലയില്‍ വലിയ നിക്ഷേപം പ്രതീക്ഷിച്ചിച്ചുകൊണ്ട് രാജ്യത്തെ നിയമ വ്യവസ്ഥയില്‍ തന്നെ വലിയ മാറ്റത്തിന് ശ്രമിച്ചുകൊണ്ടിരിക്കുകയാണ്.
ഇന്ധന വിലയില്‍ ആഴ്ചകളായി നീണ്ടുനില്‍ക്കുന്ന വിലയിടിവ് പൊതുവെ ഖത്തറിന്റെയും അയല്‍ രാജ്യങ്ങളുടെയും സാമ്പത്തിക പ്രതിസന്ധിക്ക് കാരണമാകേണ്ടതാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha