പണം അയക്കാനുള്ള നിരക്ക് കൂട്ടേണ്ട സാഹചര്യം; ഫോറിന്എക്സ്ചേഞ്ച് & റെമിറ്റന്സ് ഗ്രൂപ്പ് ചെയര്മാന്
യുഎഇയില് നിന്ന് ഇന്ത്യയിലേക്ക് പണം അയക്കാനുള്ള നിരക്ക് കൂട്ടേണ്ട സാഹചര്യമാണ് ഉള്ളതെന്ന് ഫോറിന്എക്സ്ചേഞ്ച് & റെമിറ്റന്സ് ഗ്രൂപ്പ് ചെയര്മാന്. നാട്ടിലേക്ക് പണം അയക്കുമ്പോള് സര്വ്വീസ്ചാര്ജിന്റെ നിശ്ചിത ശതമാനം ടാക്സായി നല്കണം എന്ന നിയമമാണ് ഇതിന് കാരണമെന്നും അദ്ദേഹം പറഞ്ഞു.
ഇന്ത്യയിലേക്ക് പണം അയക്കുമ്പോള് ഈടാക്കുന്ന ഫീസിന്റെ നിശ്ചിത ശതമാനം സര്വീസ്ടാക്സ് നല്കണമെന്ന് കഴിഞ്ഞ ഒക്ടോബറിലാണ് ഇന്ത്യ നിയമം കൊണ്ടുവന്നത്. ഈ നിയമം മണി എക്സ്ചേഞ്ച് സ്ഥാപനങ്ങള്ക്ക് തിരിച്ചടിയായിരിക്കുകയാണ്.
ഇന്ത്യയിലേക്ക് പണം അയക്കാന് ഉപഭോക്താക്കളില്നിന്ന് വാങ്ങുന്ന ചാര്ജ് വര്ദ്ധിപ്പിക്കേണ്ട സാഹചര്യമാണ് ഉള്ളതെന്ന് യുഎഇയിലെ എക്സ്ചേഞ്ച് സ്ഥാപനങ്ങളുടെ കൂട്ടായ്മയായ ഫോറിന്എക്സ്ചേഞ്ച് & റെമിറ്റന്സ് ഗ്രൂപ്പിന്റെ ചെയര്മാന് ഒസാമ അല്റാഹ പറഞ്ഞു.
ഇന്ത്യ ഗവണ്മെന്റ് തീരുമാനം പുനപരിശോധിക്കുകയും പിന്വലിക്കുകയും ചെയ്യുമെന്നാണ് തങ്ങളുടെ പ്രതീക്ഷയെന്നും അദ്ദേഹം പറഞ്ഞു. അതേസമയം എക്സ്ചേഞ്ച് സ്ഥാപനങ്ങള് റെമിറ്റെന്സ് ചാര്ജ് വര്ധിപ്പിക്കുന്നത് സാധാരണക്കാരായ പ്രവാസികളെ ബാധിക്കുമെന്ന് സാമ്പത്തിക വിദഗ്ധര് വിലയിരുത്തുന്നു.
സര്വീസ് ടാക്സ് ഭാവിയില് 16 മുതല് 20 ശതമാനം വരെ ഉയര്ത്താനുള്ള സാധ്യതയുണ്ടെന്നാണ് എക്സ്ചേഞ്ച് സ്ഥാപനങ്ങളുടെ വിലയിരുത്തല്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha